14.02.2026 | 21:32
Հայաստանի և Ադրբեջանի միջև հաղորդակցությունները կբացվեն փուլ առ փուլ․ Ռաուֆ Աղամիրզաև
«Գյումրի» ԲԿ-ում կորոնավիրուսի դեմ բուժվողներից 7-ի վիճակը ծանր է, 3-ինը՝ ծայրահեղ ծանր
03.09.2021 | 21:47
«Գյումրի» բժշկական կենտրոնում արդեն երկրորդ շաբաթն է՝ վերաբացվել է կորոնավիրուսի բաժանմունքը։ Բուժկենտրոնի փոխտնօրեն Արմեն Խաչատրյանը Factor.am-ին տեղեկացրեց, որ բաժանմունքն աշխատում է 90 տոկոս ծանրաբեռվածությամբ (մահճակալների թիվը 70 է):
Այս պահին կա 60 հիվանդ հանրապետության տարբեր վայրերից՝ Շիրակի, Արագածոտնի, Տավուշի և Լոռու մարզերից։ Հիվանդների շուրջ 30 տոկոսը Շիրակի մարզից է։
Ըստ Արմեն Խաչատրյանի՝ վարակվածների շրջանում կան նաև երիտասարդներ՝ 28-30 տարեկան։
Փոխտնօրենի տեղեկացմամբ՝ հիվանդներից 9-ը վերակենդանացման բաժանմունքում է․ նրանցից 7-ի վիճակը ծանր է, 3-ինը՝ ծայրահեղ ծանր։ Ծայրահեղ ծանր հիվանդների մեջ ևս երիտասարդներ կան։
Արմիկ Մովսիսյան
