25.03.2026 | 21:16
Հայաստանի տնտեսության ակտիվության ցուցանիշն աճել է 7,4%-ով. արտահանման և ներմուծման ծավալներն ավելացել են
Պահանջում ենք անվտանգություն և ինքնորոշում Արցախի համար, ես միշտ կանգնելու եմ Արցախի և հայ ժողովրդի կողքին. Ադամ Շիֆ
Քաղաքականություն
03.09.2021 | 11:18
ԱՄՆ կոնգրեսական Ադամ Շիֆը շնորհավորել է Արցախի անկախության օրը՝ ֆեյսբուքի իր էջում տեսաուղերձ հրապարակելով:
«Այսօր մենք հավաքվել ենք նշելու Արցախի անկախության օրը, երբ 30 տարի առաջ Արցախի քաջ ժողովուրդը հայտարարեց իր անկախությունը Խորհրդային Միությունից: Եվ չնայած Արցախի ճանապարհը երբեք հեշտ չի եղել, սակայն վերջին մեկ տարվա ընթացքում պատերազմը փորձեց Արցախի ժողովրդին աներևակայելի ձևով:
Դժվարություններին դիմակայելու ձեր տոկունությունը ոգեշնչում է բոլորիս:
Ես միշտ կկանգնեմ Արցախի և հայ ժողովրդի կողքին, քանի որ մենք պահանջում ենք անվտանգություն և ինքնորոշում Արցախի համար: Սպասում եմ այն օրվան, երբ Արցախը վերջապես կվայելի միջազգային ճանաչում, որից այսքան երկար զրկված է եղել»,- մասնավորապես ասված է ուղերձում:
