27.11.2024 | 15:36
Թուրքիան ամրապնդում է իր դերը որպես գլոբալ քաղաքականության դերակատար. Էրդողանը ողջունել է Լիբանանում հրադադարը
ԵՄ դեղերի կարգավորիչը COVID-19 պատվաստանյութի 3-րդ դեղաչափի կարիքը չի տեսնում
Քաղաքականություն
02.09.2021 | 23:09
Եվրոպական միության առողջապահական մարմինները եկել են այն եզրակացության, որ COVID-19- ի դեմ պատվաստանյութերի լրացուցիչ չափաբաժինների լայն կիրառման անհետաձգելի ահրաժեշտություն չկա, երրորդ՝ «բուստերային» պատվաստում պետք է առաջարկվի թույլ իմունային համակարգ ունեցող մարդկանց:
«Հիմնվելով առկա տեղեկությունների վրա՝ ամբողջությամբ պատվաստված բնակչության համար կրկնակի պատվաստման անհրաժեշտություն չկա», – ասված է Եվրոպական դեղամիջոցների գործակալության (EMA) մամուլի հաղորդագրության մեջ:
Եվրոպական կարգավորիչը նման եզրակացություն է արել՝ ելնելով Հիվանդությունների կանխարգելման ու վերահսկման եվրոպական կենտրոնի նախօրեին հրապարակված տեխնիկական զեկույցից։
«Զեկույցում նշվում է, որ հավելյալ չափաբաժինները պետք է դիտարկել շատ թուլացած իմունային համակարգով մարդկանց համար՝ նրանց նախնական պատվաստման շրջանակներում»,- նշել են EMA-ից։
Գործակալության տեղեկությունների համաձայն՝ հավելյալ չափաբաժինն ավելի ուժեղ իմունային ռեակցիա կառաջացնի թույլ իմունային համակարգ ունեցող մարդկանց մոտ։
Տաթև Ֆռանգյան
