27.11.2024 | 16:14
Լիտվան հայտարարել է, որ Ուկրաինա զորք ուղարկելու համար ամբողջ ՆԱՏՕ-ի համաձայնությունն անհրաժեշտ չէ
Բեռլինում բացվել է ԱՀԿ-ի` համաճարակները կանխելու կենտրոն
Քաղաքականություն
01.09.2021 | 20:36
Առողջապահության համաշխարհային կազմակերպությունը (ԱՀԿ) Գերմանիայում հիմնել է Համաճարակների և էպիդեմիաների կանխարգելման կենտրոն`աշխարհում վտանգավոր հիվանդությունների հնարավոր տարածման դեպքում պատրաստվածությունը բարձրացնելու համար, գրում է DW-ի ռուսական ծառայությունը:
Բացման արարողությանը, որն այսօր տեղի է ունեցել Բեռլինում, ներկա էին Գերմանիայի կանցլեր Անգելա Մերկելը և ԱՀԿ գլխավոր տնօրեն Թեդրոս Ադհանոմ Գեբրեյեսուսը: Գերմանիան 84 միլիոն եվրո է հատկացրել գիտական հանգույցը ստեղծելու համար:
Կենտրոնը կվերամշակի միլիարդավոր տվյալներ, այդ թվում` կենդանիների առողջության, հիվանդությունների, բնակչության միգրացիայի և կլիմայի փոփոխությունների հետևանքների վերաբերյալ: Այս կերպ ԱՀԿ-ն ձգտում է նախնական փուլում բացահայտել օրինաչափությունները և համակարգչային մոդելավորման միջոցով ստեղծել սպառնալիքների սցենարները:
Կազմակերպությունը կարևորել է նոր համաճարակների դեպքում շատ ավելի վաղ քայլեր ձեռնարկելու անհրաժեշտությունը, քան COVID-19-ի դեպքում եղավ, և թույլ չտալ, որ հարուցիչը տարածվի ամբողջ մոլորակի վրա:
Տաթև Ֆռանգյան
