23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ուրախալի է, որ մեր ծրագրերը նպաստում են ձեռներեցության զարգացմանը գյուղական համայնքներում. Լին Թրեյսի
Տնտեսություն
30.08.2021 | 17:47
Հայաստանի համեղ ու առողջարար կաթնամթերքների մի մասը գալիս են Լոռու մարզի «Համով կաթ» ՍՊԸ-ից։ ԱՄՆ ՄԶԳ-ն աջակցել է այս ընկերությանը իր գործունեության զարգացման հարցում, որն էլ օգնել է ավելացնել կաթի արտադրության ծավալներն ու որակը. տեղեկանում ենք ՀՀ-ում ԱՄՆ դեսպանությունից:
«Այս հաջողված ծրագիրը նաև աշխատատեղեր ու տնտեսական հնարավորություններ է ստեղծում համայնքի համար։
Անցած շաբաթ դեսպան Թրեյսին տեղում ծանոթացավ կառույցի գործունեությանը։ Տպավորիչ է, որ «Համով կաթի» կողմից կաթնամթերքի արտադրությունը զուգորդվում է աշխատատեղերի ստեղծմամբ համայնքներում ու ԱՄՆ ՄԶԳ աջակցություն ստացած այլ արտադրողների հետ գործակցությամբ, ինչը թույլ է տալիս սպառողին հասցնել լավագույն որակի ապրանքներ։
«Ուրախալի է, որ մեր ծրագրերը նպաստում են ձեռներեցության զարգացմանը գյուղական համայնքներում, բարելավում են արտադրական կարողությունները և օգնում գործընկերության ձևավորմանը բիզնեսի ու համայնքի միջև՝ ապահովելով կայուն արդյունքներ», – նշեց դեսպանը։ «Համով կաթ» ՍՊԸ-ն աջակցություն է ստացել ԱՄՆ ՄԶԳ-ի «Գյուղի զարգացման արդի նախաձեռնություն» (ARDI) ծրագրի շրջանակում, որն ավարտվել է 2019թ․»,- ասված է տարածած հաղորդագրությունում:
