07.11.2024 | 23:23
Թուրքիան Թրամփի նախագահության օրոք ԱՄՆ-ի կողմից մասքատուրքերի իջեցում է ակնկալում
ՄԱԿ-ը նախազգուշացրել է Աֆղանստանում մարդասիրական ճգնաժամի մասին
Քաղաքականություն
30.08.2021 | 19:14
Քաբուլից մարդկանց տարհանման ավարտից հետո Աֆղանստանում մարդասիրական ճգնաժամը կխորանա, նախազգուշացրել է փախստականների հարցով ՄԱԿ-ի փախստականների հարցերով գերագույն հանձնակատար Ֆիլիպո Գրանդին այսօր տարածված հայտարարության մեջ, գրում է DW-ի ռուսական ծառայությունը։
Նա կոչ է արել երկրների ղեկավարներին՝ կիսել «մարդասիրական պատասխանատվությունը», չփակել Աֆղանստանից փախստականների համար սահմանները, այդ թվում՝ Իրանի ու Պակիստանի հետ, որտեղ արդեն իսկ բնակվում է 2,2 միլիոն աֆղան։
«Քաբուլից օդային կամուրջները կդադարեցվեն հաշված օրերի ընթացքում և կատարված ողբերգությունն այլևս այդքան տեսանելի չի լինի։ Սակայն դա նախկինի նման միլիոնավոր աֆղանների համար կլինի ամենօրյա իրականություն»,- նշել է Գրանդին։
ՄԱԿ-ի պաշտոնյան կոչ է արել համաշխարհային հանրությանը՝ «երես չթեքել» Աֆղանստանում ստեղծված իրավիճակից։
Մինչև տարեվերջ Աֆղանստանը կարող է լքել մինչև 500 հազար մարդ։ Օգոստոսի 27-ին ՄԱԿ-ի փախստականների հարցերով գերագույն հանձնակատարի վարչությունը հայտարարել էր, որ մինչ ընթացիկ տարեվերջ Աֆղանստանի կես միլիոն բնակիչներ կարող են փախչել երկրից։
«Սա վատթարագույն սցենարն է»,- հայտարարել է ՄԱԿ-ի փախստականների հարցերով գերագույն հանձնակատարի տեղակալ Քելլի Քլեմենթսը։
Տաթև Ֆռանգյան
