22.11.2024 | 10:55
ՆԱՏՕ-ն և ԱՄՆ-ն հայտարարել են Կիևին իրենց աջակցությունը շարունակելու մտադրության մասին
Ստանիսլավ Զասը բացառել է Աֆղանստան ՀԱՊԿ զորքեր ուղարկելը
Քաղաքականություն
30.08.2021 | 15:19
Հավաքական անվտանգության պայմանագրի կազմակերպության (ՀԱՊԿ) անդամ երկրների քաղաքացիների մտավախությունները՝ Աֆղանստան զինվորականների հնարավոր ուղարկման վերաբերյալ, անհիմն են: Այս մասին օգոստոսի 29-ին հայտարարել է ՀԱՊԿ գլխավոր քարտուղար Ստանիսլավ Զասը, գրում է EADaily-ն:
«Թակարդ չի՞ դառնա, արդյոք, Աֆղանստանը, արդյո՞ք ստիպված չենք լինի նորից մեր որդիներին այնտեղ ուղարկել: Իհարկե՝ ո՛չ, սրանք բացարձակապես անհիմն մտավախություններ են: ՀԱՊԿ-ը բացառապես պաշտպանական ռազմաքաղաքական կազմակերպություն է: Հավաքական անվտանգության պայմանագրում, մեր կազմակերպության կանոնադրությունում նախատեսված է հավաքական պաշտպանական ուժերի օգտագործումը բացառապես ՀԱՊԿ պատասխանատվության գոտում, այսինքն՝ մեր երկրների սահմաններում»,- ասել է նա:
Զասը նաև նշել է, որ Հավաքական անվտանգության խորհրդի վերջին արտահերթ նիստում քննարկվել է իրավիճակը Աֆղանստանում և մշակվել են մի շարք միջոցառումներ՝ սպառնալիքները նվազագույնի հասցնելու համար:
Միաժամանակ, այսօր Բելառուսի նախագահ Ալեքսանդր Լուկաշենկոն Աֆղանստանում ստեղծված իրավիճակն ու Դուշանբեում ՀԱՊԿ նիստի ժամանակ բարձրացված հարցերի շուրջ խորհրդակցություններ է անցկացրել հեռախոսով։ Նշվում է, որ Լուկաշենկոն այս թեման մանրամասն քննարկել է Տաջիկստանի նախագահի հետ: Ավելի ուշ զրույց է կայացել Ռուսաստանի, ինչպես նաև Ուզբեկստանի նախագահների հետ:
Տաթև Ֆռանգյան
