24.04.2026 | 15:02
Նոր տոներ, նոր հանգստյան օրեր․ պատգամավորն առաջարկում է տոնացույցում փոփոխություններ կատարել
Քովիդ 19-ի ծագման մասին ԱՄՆ-ի հետախուզության նոր զեկույցը չի տալիս հստակ պատասխաններ
Քաղաքականություն
26.08.2021 | 23:29
Քովիդ 19 հիվանդության ծագման մասին ԱՄՆ-ի հետախուզության նոր զեկույցը ներկայացվել է Սպիտակ տուն: Փաստաթուղթը դեռեւս պաշտոնապես չի հրապարակվել, սակայն ինչպես Wall Street Journal պարբերականն է գրում, մեջբերելով կառավարության անանուն երկու պաշտոնատար անձանցից ստացված տեղեկություններ, հետաքննությունը դեռեւս չի տվել որոշակի արդյունք: Այն հստակ կերպով չի հաստատում այն տեսակետը, որ հիվանդությունը մարդկանց է անցել կենդանիներից, ոչ էլ հստակ կերպով հաստատում է ինչ որ լաբորատորիայից այդ վարակը տարածվելու մասին վարկածը: Այս մասին գրում է Ամերիկայի ձայնը։
Զեկույցը, որը կազմելու առաջադրանք էր տվել նախագահ Ջո Բայդենը, ընդգծում է վարչակազմի առջեւ ծառացած դժվարությունները` կապված Պեկինից տեղեկություններ ստանալու խնդրի հետ: Որպես եզրակացություն, զեկույցն ընդգծում է չինական լաբորատորիայում կատարված գրանցումները ստանալու կարեւորությունը: Այդ տեղեկությունները ստանալուց հետո հնարավոր կլինի պարզել վիրուսի ծագման աղբյուրը, ասված է զեկույցում:
Սա մի մանրամասն հետաքննության վրա հենված զեկույց է, սակայն այն ճշգրիտ է այնքանով, որքան թույլ է տվել իրավիճակը: Եվ եթե Չինաստանը չտա գրանցումները ստուգելու հնարավորություն, ապա ճշմարտությունն իմանալն անհնար կլինի, Wall Street Journal պարբերականին ասել են ամերիկացի նշված պաշտոնատար անձինք:
