16.12.2025 | 13:33
Արման Ծառուկյանի մրցակիցը փոխվել է
Եթովպիայում անջատողականները սպանել են 210 խաղաղ բնակչի
Քաղաքականություն
26.08.2021 | 22:51
Անցնող շաբաթվա ընթացքում առնվազն 210 մարդ է զոհվել Եթովպիայի արևմուտքում՝ «Օրոմոյի ազատագրական բանակ» անջատողական խմբավորման զինյալների կողմից քաղաքացիական օբյեկտների վրա հարձակումների հետևանքով: Այս մասին հաղորդել է Agence France-Presse-ը՝ հղում անելով Եթովպիայի մարդու իրավունքների հանձնաժողովին, որը ստեղծվել է երկրի կառավարության որոշմամբ, գրում է ՏԱՍՍ-ը։
Հանձնաժողովի տեղեկացմամբ՝ անջատողականների զինված խումբը օգոստոսի 18-ին հարձակվել է Օրոմիա նահանգի արևմտյան Ջիդա Քիրեմու շրջանի բնակիչների վրա և սպանել 150 մարդու: Հաջորդ օրը զինյալները նոր հարձակում են նախաձեռնել այդ տարածքում, որի հետևանքով զոհվել է ևս 60 մարդ:
Նշվում է, որ գրոհայինների հարձակումները «էթնիկ բնույթ են կրել»: Ավելի վաղ Reuters-ը հայտնել էր հարձակման առաջին օրը 150 մարդու զոհվելու մասին:
«Օրոմոյի ազատագրական բանակ» խմբավորումը, որն «Օրոմոյի ազատագրական ճակատի» ռազմականացված թևն է, հաճախ ինքնուրույն է գործում։ Այն որպես նպատակ հայտարարել է Եթովպիայի Օրոմիա նահանգի անկախությանը հասնելը:
Դաշնային իշխանություններն «Օրոմոյի ազատագրական բանակն» ահաբեկչական կազմակերպություն են հայտարարել:
