30.07.2026 | 22:43
Հունաստանում անտառային հրդեհները շարունակում են տարածվել․ Կրետեում դրանք տարհանման և հրշեջների մահվան պատճառ են դարձել
Միջադեպի ժամանակ Վահե Հակոբյանին ասում եմ՝ ինչու ես շիշ նետում, տհաճ բառապաշարով արձագանքում է. Սիսակ Գաբրիելյան․ ՏԵՍԱՆՅՈՒԹ
Քաղաքականություն
26.08.2021 | 18:00
ԱԺ-ում նախորդ օրերին արձանագրված միջադեպերը ոչ թե նման էին մարտերի, այլ որոշ դրվագներ հենց մարտեր էին: Այս մասին Factor.am-ի հետ զրույցում նշեց «Քաղաքացիական պայմանագիր» խմբակցության պատգամավոր Սիսակ Գաբրիելյանը:
«Այն ինչ եղավ, տհաճ էր: Չեմ ուզում գնահատական տալ ընդդիմադիր խմբակցության ղեկավարի արարքին, որից էլ սկսվեց բռունցքներով վիճաբանությունը:
Կարող եմ ասել, որ կառավարության ծրագրերի քննարկման ժամանակ նախկինում էլ շատ հազվադեպ է եղել բովանդակային քննարկում:
Տպավորություն կար, որ շատ ընդդիմադիր պատգամավորներ ծրագիրը չեն կարդացել, անգամ իրենց նախընտրական ծրագիրը չեն կարդացել»,- ասաց պատգամավորը:
«Ես ուզում եմ, որ ԱԺ-ում վեճ ծավալվի, եթե անգամ դա հասնի քաշքշոցի ու հրմշտոցի, բայց դա լինի բուն ծրագրի, ավելի լավ ծրագրի առաջարկի շուրջ»,-ասաց Գաբրիելյանը:
Դիտարկմանը, որ ընդդիմության ներկայացուցիչների կարծիքով՝ Նիկոլ Փաշինյանի հրահանգով են իրենք թիրախավորվել, Գաբրիելյանը նշեց, որ որևէ հրահանգ չի եղել. «Նույն տրամաբանությամբ կարող եմ հարցնել՝ Սեյրան Օհանյանը, Վահե Հակոբյանը, Իշխան Սաղաթելյանը, Արթուր Ղազինյանը երբ շշով հարվածում էին, հրահանգո՞վ էին անում դա, թե՞ ոչ: Ծեծկռտուքից որևէ մեկը չշահեց… Միջադեպի ժամանակ Վահե Հակոբյանին ասում եմ՝ ինչո՞ւ ես շիշ նետում, տհաճ բառապաշարով արձագանքում է: Եվ երկրորդ անգամ էլ ԱԺ ամբիոնից նա շատ վատ արտահայտություն է անում՝ ասելով «կերցնել կողովրդին»: Իհարկե նորմալ չէ, որ պատգամավորները շշեր են նետում միմյանց ուղղությամբ»:
Մանրամասները՝ տեսանյութում:
