30.07.2026 | 23:29
Խուդաթյանն Իրանի ԱԳ նախարարի տեղակալի հետ քննարկել է էներգետիկ և տրանսպորտային համագործակցությունը
Թալիբները տնային կալանքի տակ են պահում Աֆղանստանի նախկին նախագահին
Քաղաքականություն
26.08.2021 | 20:40
Աֆղանստանի նախկին նախագահ Համիդ Քարզայը և Ազգային հաշտեցման խորհրդի ղեկավար Աբդուլլահ Աբդուլան տնային կալանքի տակ են Քաբուլում, հայտնում է «Սպուտնիկը»:
Թալիբները զինաթափել են նրանց անվտանգության աշխատակիցներին և առգրավել մեքենաները:
Ավելի վաղ աֆղանական ԶԼՄ-ները հայտնել էին, որ Քարզայը, Աբդուլլան և Իսլամական կուսակցության առաջնորդ Գյուլբեդդին Հեքմաթյարը կմիանան երկիրը կառավարելու խորհրդին, որը պատրաստվում է ձևավորել «Թալիբան»-ը:
Ակնկալվում է, որ այն կունենա 12 անդամ, որոնց թվում կլինեն կազմակերպության քաղաքական թևի առաջնորդ Աբդուլ Հանի Բարադարն ու ռազմական հանձնաժողովի ղեկավար Մուլավի Յակուբը:
Տաթև Ֆռանգյան
