09.06.2026 | 12:34
Ինչու Արփինե Սարգսյանը չի ներկայացել ԱԺ` բյուջեի կատարողականը ներկայացնելու
Այն ՊՆ նախարարները, որոնց ժամանակ փողով բանակից մարդ է ազատվել․ հայրենիքի դավաճաններ են․ Հայկ Սարգսյան․ ՏԵՍԱՆՅՈՒԹ
Քաղաքականություն
25.08.2021 | 10:37
ԱԺ այսօրվա նիստի մեկնարկին կրկին միջադեպ գրանցվեց, երբ Հայկ Սարգսյանը ելույթ էր ունենում ԱԺ ամբիոնից և հակափաստարկներ բերում ընդդիմության քննադատություններին:
«Հայաստան» դաշինքի ղեկավար, ՀՀ պաշտպանության նախկին նախարար Սեյրան Օհանյանն արձագանքեց` ասելով. «Ռազբորկա՞ ես անում»։
«Ռազբորկա չեմ անում, պարո՛ն Օհանյան…,- պատասխանեց Սարգսյանը և հայտարարեց, որ բանակի քանդվելուց նախկին ղեկավարներն իրավունք չունեն խոսելու: «Պաշտոնապես հայտարարում եմ․ բոլոր այն պաշտպանության նախկին նախարարները, ում օրոք բանակից փողով կամ զանգով մարդ է ազատվել, հայրենիքի դավաճաններ են: Դա բոլոր ժամանակների մասին է»,- նշեց Սարգսյանը:
Սեյրան Օհանյանն այդ խոսքից հետո շիշ շպրտեց Հայկ Սարգսյանի ուղղությամբ:
«Ես քե՞զ եմ ասում, արա՛»,- վրդովվեց Սարգսյանն ու շիշը հետ շպրտեց: Նրա ուղղությամբ կրկին մեկ շիշ նետվեց ընդդիմադիրների կողմից։ Սարգսյանը ամբիոնի վրա գտնվող ևս մեկ շիշ շպրտեց ընդդիմադիրների ուղղությամբ:
Այս ամենին զուգահեռ ԱԺ նախագահ Ալեն Սիմոնյանը ներս էր հրավիրում անվտանգության աշխատակիցներին։
Մանրամասները՝ տեսանյութում:
