31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
«Թալիբանը» հայտարարել է Ռուսաստանի և Չինաստանի հետ լավ հարաբերությունների մասին
Քաղաքականություն
25.08.2021 | 22:12
«Թալիբան»-ի քաղաքական գրասենյակի խոսնակ Մոհամմեդ Նաիմը հայտարարել է, որ շարժումը լավ հարաբերություններ ունի Ռուսաստանի, Չինաստանի և հարևան այլ երկրների հետ, գրում է ՌԻԱ Նովոստին:
«Չինաստանը մեր հարևանն է, մենք նրա հետ լավ հարաբերություններ ունենք: Նույնը վերաբերում է Ռուսաստանին»,-ասել է նա Al-Mayadeen հեռուստաալիքին տված հարցազրույցում:
Թալիբները, ըստ Նաիմի, վաղեմի հարաբերություններ ունեն Իրանի, Չինաստանի, Պակիստանի և Ուզբեկստանի հետ, և այդ երկրները, ի տարբերություն արևմտյան տերությունների, մտահոգված չեն թալիբների իշխանության գալով:
«Մենք հարաբերություններ ենք հաստատել և կապի մեջ ենք Աֆղանստանի հետ հարևան երկրների հետ և ցանկանում ենք, որ դրանք զարգանան», – հավելել է թալիբների ներկայացուցիչը:
Ավելի վաղ Նաիմը հայտնել էր, որ թալիբները Քաբուլում հանդիպել են Չինաստանի պատվիրակության հետ և քննարկել Աֆղանստանում առկա իրավիճակը, երկկողմ հարաբերությունները, ինչպես նաև ՉԺՀ -ի կողմից տրամադրվող հումանիտար օգնության հարցը:
Ռուսաստանի փոխարտգործնախարար Օլեգ Սիրոմոլոտովն ավելի վաղ ՌԻԱ Նովոստիին ասել էր, որ Մոսկվան չի շտապի դուրս մղել Թալիբանին ահաբեկչական կազմակերպությունների ցուցակից և ճանաչել Աֆղանստանի նոր իշխանություններին, այլ կկենտրոնանա Աֆղանստանի նոր իշխանությունների գործնական քայլերի և ՄԱԿ -ի Անվտանգության խորհուրդի համապատասխան որոշումների վրա:
Չինաստանի ԱԳՆ խոսնակ Հուա Չունյինգն ավելի վաղ հայտարարել էր, որ Չինաստանը, հիմնվելով Աֆղանստանի պետական ինքնիշխանության և երկրում տարբեր կողմերի կամքի նկատմամբ հարգանքի վրա, կապեր է պահպանում թալիբների հետ և հույս ունի, որ շարժումը վարելու է չափավոր ներքին և արտաքին քաղաքականություն:
Տաթև Ֆռանգյան
