14.02.2026 | 23:13
Ալիևը Ռուսաստանին մեղադրել է Կիևում Ադրբեջանի դեսպանատանը հարվածելու համար
Իմ ցանկությունն է, որ լրագրողների համար ստեղծվեն առավելագույնս հարմարավետ պայմաններ. Արմեն Խաչատրյան․ ՏԵՍԱՆՅՈՒԹ
Քաղաքականություն
24.08.2021 | 17:38
Ես չգիտեմ, թե այսօր որտեղ են ոտնահարվել լրագրողների իրավունքները: Այս մասին օգոստոսի 24-ին լրագրողների հետ զրույցում ասաց իշխող «Քաղաքացիական պայմանագիր» կուսակցության պատգամավոր Արմեն Խաչատրյանը:
«Ինչ վերաբերում է « Քաղաքացիական պայմանագիր» կուսակցության պատգամավոր Վահե Ղալումյանի գործողություններին, ով լրագրողներին հրելով դուրս էր հրավիրում ԱԺ դահլիճից, Խաչատրյանը նշեց, որ դրանց չի կարող գնահատական տալ. «Միգուցե նա պատրաստվում էր ինչ-որ խախտում կանխել»,- ասաց նա:
Պատգամավորը շեշտեց, որ բացասաբար է վերաբերվում նիստերի դահլիճում տեղի ունեցածին, սակայն պետք է ուշադիր նայել, թե որտեղից են հնչել վիրավորանքները: Նրա խոսքով՝ «Պատիվ ունեմ» դաշինքի պատգամավոր Աննա Մկրտչյանը, ըստ ամենայնի, չի ենթարկվել անվտանգության աշխատակցի պահանջներին, և նրանք ստիպված էին անցել հարկադրանքի միջոցների: Կարծում եմ, որ այս գործողությունները օրինական են:
«Քաղաքացիական պայմանագիր» կուսակցության խմբակցությունը չի միջամտել այդ գործընթացին, միջադեպը տեղի է ունեցել անվտանգության աշխատակիցների և պատգամավորների միջև, ում նկատմամբ որոշում է կայացվել հեռացնել նիստերի դահլիճից»,- նշեց Խաչատրյանը:
Նա պարզաբանեց, որ լրագրողների գործունեության կարգավորումը նաև սահմանափակումներ է ենթադրում, որոնց ներդրումը պայմանավորված է նաև լրագրողների վարքագծով, և լրագրողների աշխատանքի համար ստեղծված պայմանները չպետք է խանգարեն այլ աշխատակիցների և պատգամավորների գործունեությանը:
«Իմ ցանկությունն է, որ լրագրողների համար ստեղծվեն առավելագույնս հարմարավետ պայմաններ»,- նշեց Խաչատրյանը:
Մանրամասները՝ տեսանյութում:
