19.11.2024 | 16:46
Իսրայելի հատուկ ծառայության ղեկավարը գաղտնի այցելել է Թուրքիա և հանդիպել թուրքական հետախուզության ղեկավարին
«Թալիբանի» հաղթանակից հետո Թուրքիան դադարեցրել է սիրիացի վարձկաններին Քաբուլ ուղարկելու ծրագիրը
Քաղաքականություն
24.08.2021 | 13:03
Թուրքիան դադարեցրել է սիրիացի վարձկաններին Քաբուլի օդանավակայան ուղարկելու ծրագիրը այն բանից հետո, երբ «Թալիբանը» Աֆղանստանը վերցրել է իր հսկողության տակ։ Այս մասին գրում է Turkish Minute-ը՝ վկայակոչելով Մարդու իրավունքների սիրիական դիտորդական կենտրոնին (SOHR):
Նշվում է, որ Աֆղանստանից ԱՄՆ-ի դուրս գալուց առաջ թուրքական հետախուզությունը դիմել էր Սուլթան Մուրադ, Ալ-Համզա դիվիզիաներին ու այլ խմբավորումներին, որպեսզի «Սիրական ազգային բանակի» ներքո հարյուրավոր մարտիկներ պատրաստեն Քաբուլի օդանավակայանը պաշտպանելու համար։
Ըստ SOHR-ի՝ մի քանի խմբավորումներ հրաժարվել են իրենց զինյալներին ուղարկել Աֆղանստան, քանի որ «Թալիբանի» դեմ մարտերը կարող են ճակատագրական լինել։
SOHR-ը հիշեցնում է, որ Թուրքիան սիրիացի վարձկաններ էր օգտագործել 2020-ի աշնանը Արցախյան պատերազմում։ Նշվում է նաև, որ վարձկանները վերջերս նաև կռվել են Լիբիայի քաղաքացիական պատերազմում։
Էմմա Չոբանյան
