27.11.2024 | 15:36
Թուրքիան ամրապնդում է իր դերը որպես գլոբալ քաղաքականության դերակատար. Էրդողանը ողջունել է Լիբանանում հրադադարը
Օդեսայում հայտնաբերվել է ԽՍՀՄ ներքին գործերի ժողովրդական կոմիսարիատի զոհերի զանգվածային գերեզմանոց
Քաղաքականություն
23.08.2021 | 21:50
Օդեսայում՝ նախկին «Տատարկա» հատուկ օբյեկտի մոտ, հայտնաբերվել է ԽՍՀՄ ներքին գործերի ժողովրդական կոմիսարիատի զոհերի զանգվածային գերեզման, որը ներառում է 29 գերեզմանոց: Այս մասին, сurrenttime.tv-ի հաղորդմամբ, հայտնում է Ուկրաինայի ազգային հիշատակի ինստիտուտը:
«Մինչ օրս Օդեսայում՝ Օվիդիոպոլի ճանապարհի 6 -րդ կիլոմետրում, ԽՍՀՄ ներքին գործերի ժողովրդական կոմիսարիատի նախկին «Թատարկա» հատուկ օբյեկտի հյուսիս-արևմտյան հատվածն ուսումնասիրելուց հետո, հայտնաբերվել է առնվազն 29 գերեզմանոց` առանձին փոսեր, որտեղ թաղված են կոմունիստական ահաբեկչության զոհերը՝ մահապատժի ենթարկված Օդեսայի բնակիչները», – ասված է հաղորդագրության մեջ:
Զանգվածային գերեզմանոցի տեղը ցույց է տվել օդեսացի պատմաբան Ալեքսանդր Բաբիչը, ով ռումինական արխիվներում հայտնաբերել է 1930-ականներին Օդեսայի մոտերքում ԽՍՀՄ ներքին գործերի ժողովրդական կոմիսարիատի կողմից զանգվածային գնդակահարությունների ու գերեզմանոցների մասին տեղեկություններ։
