01.02.2026 | 15:41
Ուկրաինայի, ԱՄՆ-ի և Ռուսաստանի բանակցությունները Աբու Դաբիում հետաձգվել են
Բաքվում Աֆղանստանից ժամանած միգրանտները բողոքի ակցիա են անցկացրել
Քաղաքականություն
23.08.2021 | 14:10
Բաքվում ՝ Ձմեռային այգու տարածքում, Աֆղանստանից ժամանած միգրանտները բողոքի ակցիա են անցկացնել։ Այս մասին հայտնում են ադրբեջանական լրատվամիջոցները։ Նշվում է, որ իրավապահ մարմինների աշխատակիցները ակցիան կասեցրել են։
Ներքին գործերի նախարարության մամուլի ծառայության ղեկավար, ոստիկանության գնդապետ Էսհան Զահուդովն էլ լրատվամիջոցին հաստատել է բողոքի ակցիայի անցկացման փաստը։ Նրա խոսքով՝ ակցիային մասնակցել է մոտ 40 մարդ։
«Մասնակիցները պահանջել են ՄԱԿ-ի Փախստականների հարցերով Գերագույն հանձնակատարի գրասենյակից Ադրբեջանում իրենց ավելի մեծ ուշադրություն դարձնել։ Քանի որ ակցիան արտոնված չի եղել, ոստիկանները փախստականների հետ զրույց են վարել, որից հետո ակցիայի մասնակիցներին տարել են տարածքից»,- ասել է Զահուդովը։
Նշենք, որ Ադրբեջանի իշխանությունները որևէ տեղեկություն չեն հաղորդում երկրում Աֆղանստանից եկած միգրանտների թվաքանակի վերաբերյալ։
Էմմա Չոբանյան
