31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Ռուսաստանն ու Թուրքիան առաջիկայում կստորագրեն С-400 համակարգերի մատակարարման նոր պայմանագիր
Քաղաքականություն
23.08.2021 | 14:24
Ռուսաստանի ու Թուրքիայի միջև զենիթահրթիռային С-400 համակարգերի մատակարարման նոր պայմանագիրը կարող է կնքվել առաջիկայում։ Այս մասին հայտարարել է «Ռոսօբորոնէքսպորտի» գլխավոր տնօրեն Ալեքսանդր Միխեևը «Բանակ-2021» միջազգային ռազմատեխնիկական ֆորումի ընթացքում, փոխանցում է ՏԱՍՍ գործակալությունը։
«Խոհրդակցությունները շարունակվում են, վերջնական փուլում են։ Առաջիկայում գործընկներների հետ կսկսենք պայմանագրի ձևակերպումը»,- Միխեևի խոսքերն է մեջբերում ՏԱՍՍ գործակալությունը։
Նշենք, որ Թուրքիան Ռուսաստանից գնել է 2․5 մլրդ դոլար արժեքով հակաօդային պաշտպանության C-400 համակարգերի 4 ստորաբաժանում։ 2019 թվականի հոկտեմբերին էլ «Ռոսօբորոնէքսպորտը» հայտարարել էր, որ Ռուսաստանը պայմանագիրը ժամանակից շուտ է կատարել՝ Թուրքիային մատակարարելով համակարգի բոլոր տարրերը, այդ թվում՝ հրթիռները։ 2020 թվականի դեկտեմբերին էլ «Ռոստեխ»-ի ղեկավար Սերգեյ Չեմեզովը հայտարարել էր, որ թուրքական կողմը գումարն ամբողջությամբ վճարել է։
Էմմա Չոբանյան
