08.11.2024 | 02:01
8-0. «Նոա»-ն չկարողացավ դիմակայել «Չելսի»-ին
Չինաստանը հայտարարել է երկրի ներսում SARS-CoV-2-ի տարածման դադարեցման մասին
Քաղաքականություն
23.08.2021 | 23:37
Չինաստանի առողջապահության նախարարությունը հայտարարել է, որ օգոստոսի 22-ին երկրում չի գրանցվել SARS-CoV-2-ի ոչ մի դեպք։ Այս մասին հայտնում է «Գազետան»։
Կիրակի օրը ՉԺՀ-ում գրանցվել է կորոնավիրուսով վարակման 21 նոր դեպք, սակայն այդ բոլոր մարդիկ ժամանել են արտերկրից։ Այսպիսով՝ օգոստոսի 22-ը դարձել է հուլիս ամսից առաջին օրը, երբ երկրում հիվանդության 0 դեպք է գրանցվել։
Հիվանդության վերջին բռնկումը հայտնաբերվել է հուլիսի 20-ին, այնուհետև կորոնավիրուս էր հայտնաբերվել արևելյան Ցզյանսու նահանգի Նանկին քաղաքի միջազգային օդանավակայանի աշխատողների մոտ: Դրանք այն մարդիկ էին, ովքեր մաքրում էին դրսից եկած ինքնաթիռները:
Հայտնվելով Նանկինում ՝ COVID-19-ը սկսեց տարածվել ամբողջ երկրում: Այս ընթացքում գրանցվել է COVID-19-ի վարակի ավելի քան 1,2 հազար դեպք:
Դեպքերի աճը դադարեցնելու համար Չինաստանի իշխանությունները խիստ սահմանափակող միջոցներ են մտցրել ՝ լոքդաուն, տրանսպորտային հաղորդակցության դադարեցում, զանգվածային թեստավորում:
Հիշեցնենք, որ ավելի վաղ Չինաստանը մերժել էր ԱՀԿ-ին ՝ հետաքննել կորոնավիրուսի ծագումը:
Տաթև Ֆռանգյան
