03.04.2026 | 22:40
Հռոմի պապը հեռախոսազրույցի ժամանակ կոչ է արել Իսրայելի նախագահին դադարեցնել Իրանի հետ պատերազմը
Զելենսկին օգնություն է խնդրել Էրդողանից
Քաղաքականություն
23.08.2021 | 13:16
Ուկրաինայի նախագահ Վլադիմիր Զելենսկին իր թուրք գործընկեր Ռեջեփ Թայիփ Էրդողանի հետ հեռախոսազրույցի ընթացքում խնդրել է նրան օգնել ավելի քան 100 Ղրիմի թաթարների ազատ արձակման հարցում, որոնք անօրինական կերպով ձերբակալված են Ռուսաստանի Դաշնության կողմից: Այս մասին հայտնել է Ուկրաինայի նախագահի աշխատակազմը, գրում է korrespondent-ը:
Զելենսկին պարզաբանել է, որ Ուկրաինայի քաղաքացի հանդիսացող ավելի քան 100 Ղրիմի թաթարներ հայտնվել են ճաղերի հետևում:
«Ուկրաինայի նախագահը դիմել է Թուրքիայի ղեկավարին՝ խնդրելով աջակցել Ղրիմի թաթարների ազատ արձակմանը, որոնք անօրինական կերպով կալանավորված են Ռուսաստանի Դաշնության կողմից»,- ասված է հաղորդագրության մեջ:
Նախագահները քննարկել են նաեւ Ղրիմի օկուպացիայի հարցը: Էրդողանը նշել է, որ Թուրքիան առաջին իսկ օրից նախաձեռնել է Ղրիմյան հարթակն ու շարունակելու է աջակցել դրա աշխատանքին: Նա նաև ասել է, որ հիմնադիր գագաթնաժողովին Թուրքիան կներկայացնի ԱԳ նախարարը:
«Համոզված եմ, որ Ղրիմյան հարթակը կդառնա արդյունավետ գործիք ապօրինի բռնազավթված Ղրիմի ազատագրման գործում»,- ասել է Թուրքիայի նախագահը:
