19.05.2026 | 23:56
Հայաստանի մի շարք հասցեներում էլեկտրաէներգիայի անջատումներ կլինեն
Բայդենը նշել է, թե երբ պատժամիջոցներ կկիրառվեն թալիբների դեմ
Քաղաքականություն
23.08.2021 | 20:31
ԱՄՆ-ի նախագահ Ջո Բայդենը մամուլի ասուլիսի ժամանակ հայտնել է, որ «Թալիբան» ահաբեկչական շարժման դեմ պատժամիջոցներ կիրառելու որոշումը կախված կլինի դրա անդամների պահվածքից: ԱՄՆ-ի ղեկավարի խոսքերն է մեջբերում Սպիտակ տան մամուլի ծառայությունը:
Հարցին, թե արդյոք Բայդենն աջակցում է որոշակի պայմաններում թալիբների դեմ պատժամիջոցներին, որոնց վրա հատկապես պնդում է Մեծ Բրիտանիան, ԱՄՆ-ի նախագահը պատասխանել է. «Այո, դա կախված է նրանց պահվածքից»:
Նա ընդգծել է, որ թալիբները դեռևս քայլեր չեն ձեռնարկել ամերիկյան ուժերի դեմ, ինչպես նաև «առայժմ ընդհանուր առմամբ կատարել են» իրենց խոստումները` չխոչընդոտել մարդկանց տարհանման համար ամերիկացիների մուտքը Քաբուլի օդանավակայան:
Բայդենին, ի թիվս այլ բաների, հարցրել են, թե արդյոք նա վստահում է թալիբներին, ինչին ի պատասխան՝ պետության ղեկավարը պատասխանել է. «Ես ոչ ոքի չեմ վստահում, այդ թվում՝ նաև ձեզ: Ես ձեզ սիրում եմ, սակայն, գիտեք, շատ մարդիկ չկան, որոնց ես վստահում եմ»:
Խոսելով Աֆղանստանից ամերիկյան զորքերը դուրս բերելու որոշման մասին, որը հանգեցրել է թալիբների կողմից իշխանության զավթմանը, Բայդենը նշել է, որ դա ճիշտ է:
«Այս գաղափարը, կարծում եմ, պատմության մեջ կմնա որպես տրամաբանական, ռացիոնալ և ճիշտ որոշում: Իմ գործն է կայացնել որոշումներ, որոնք ոչ ոք չի ցանկանա կամ չի կայացնի: Ես ընդունեցի դրանք և համոզված եմ, որ ես լիովին ճիշտ եմ», – նշել է նա:
Տաթև Ֆռանգյան
