05.05.2024 | 21:52
7 ոսկի և 2 արծաթ. Հայաստանի հավաքականը ավարտեց ելույթները ուշուի ԵԱ-ում
Քաղաքական զենք-զինանոց ասվածը չեմ հասկանում․ Աշոտ Ահարոնյան
14.03.2018 | 17:14
«Ժամանակ» օրաթերթը գրում է, որ վերջին շրջանում ոստիկանությունը հաճախ է հաղորդագրություններ տարածում հայտնաբերված ապօրինի զենք-զինամթերքի մասին:
Ըստ օրաթերթի տեղեկությունների՝ դրանք ոչ թե սովորական կրիմինալ, այլ քաղաքական զինապահեստներ են: Փորձեցինք Ոստիկանության լրատվության վարչության պետ Աշոտ Ահարոնյանից ճշտել, թե ի՞նչ քաղաքական զինապահեստների մասին է խոսքը:
«Ոստիկանության պաշտոնական կայքում զենք-զինամթերքների առգրավման բոլոր դեպքերը ներկայացված են, իսկ քաղաքական զենք-զինանոց ասվածը չեմ հասկանում, ես դա չեմ մեկնաբանի։ Ոստիկանությունը պայքարում է հանցագործությունների դեմ»,- պատասխանեց Ահարոնյանը։
Հարցին, թե ինչ մեծաքանակ զենք-զինամթերքի հայտնաբերման մասին է գրել օրաթերթը, պաշտոնյան կրկնեց․ «Բոլոր հայտնաբերման դեպքերը մեր կայքում առկա են»։
Նշենք, որ ոստիկանության պաշտոնական կայքում զինամթերքի հայտնաբերման մասին վերջին տեղեկատվությունը եղել է փետրվարի 24-ին, Արագածոտնի մարզի Արուճ գյուղում հայտնաբերված զինամթերքի մասին։ Գտնված զենքերը կապվում են 2015 թվականին Նոր-Նորքում վնասազերծված զինված խմբի հետ, քանի որ հայտնաբերվել են այդ գործով ամբաստանյալի աթոռին հայտնված, ապա գրավի դիմաց ազատ արձակված Գնել Հովհաննիսյանի հայրական տանը։
