07.11.2024 | 22:35
Փաշինյանը հանդիպում է ունեցել Մակրոնի հետ
Էրդողանը ողջունել է «Թալիբան»-ի հայտարարությունները՝ նշելով, որ պատրաստ է հանդիպել ու բանակցել նրանց հետ
Քաղաքականություն
19.08.2021 | 13:12
Թուրքիան պատրաստ է համագործակցության ցանկացած ձևի հանուն Աֆղանստանում խաղաղության, այդ երկրում բնակվող հայրենակիցների բարեկեցության, ինչպես նաև՝ իր շահերի պաշտպանության․ տեղական լրատվամիջոցներին տված հարցազրույցում հայտարարել է Թուրքիայի նախագահը։
«Անկախ նրանից, ով կլինի այդ երկրում իշխանության, Թուրքիան կաջակցի եղբայրական Աֆղանստանին թե՛ լավ, թե՛ բարդ ժամանակներում»,- Էրդողանի խոսքերն է մեջբերում Անադոլու գործակալությունը։
Նա նշել է, որ Թուրքիան ողջունում է «Թալիբան» շարժման առաջնորդների հավասարակշռված ու չափավոր հայտարարությունները երկրում իշխանության գալուց հետո։ Էրդողանը նաև հաստատել է «Թալիբան» շարժման առաջնորդների հետ հանդիպում անցկացնելու պատրաստակամությունը։
«Մենք ավելի վաղ հայտարարել էինք, որ կարող ենք ընդունել «Թալիբանի» առաջնորդներին։ Մենք այսօր էլ պահպանում ենք այդ դիրքորոշումը»,- ասել է Թուրքիայի նախագահը։
Նրա խոսքով՝ Թուրքիայի ռազմական ներկայությունը Աֆղանստանում կարող է այդ երկրի նոր վարչակազմի դիրքերն ամրապնդել միջազգային ասպարեզում ու հեշտացնել նրա աշխատանքը։
Էրդողանը նաև անդրադարձել է Քաբուլի օդանավակայանի անվտանգության ապահովման թեմային ու նշել, որ Անկարան իր պլանները կառուցում է «տեղում նոր իրողություններին համապատասխան», որից ելնելով էլ՝ այդ հարցով շարունակում է բանակցությունները։
Նա նաև հայտնել է, որ ներկայում Աֆղանստանից, ընդհանուր առմամբ, Թուրքիայի 522 քաղաքացի է տարհանվել։
Էմմա Չոբանյան
