Հասարակություն
18.08.2021 | 13:31
Երևան քաղաքի ընդհանուր իրավասության առաջին ատյանի դատարանն այս պահին քննում է Գորիսի փոխքաղաքապետ Իրինա Յոլյանի կալանավորման հարցը։ Վերջինս երեկ էր ձերբակալվել՝ առանձնապես խոշոր չափերով յուրացումներ կատարելու կասկածանքով։
Նիստի մեկնարկից առաջ՝ պաշտպան Էրիկ Ալեքսանյանը հայտարարեց, որ Յոլյանի ձերբակալությունը ոչ իրավաչափ է, իսկ առաջադրված մեղադրանքը՝ անհասկանալի․
«Մեղադրանքն առաջադրվել է Քրեական օրենսգրքի 179 հոդվածով, դա իրենից ներկայացնում է յուրացման և վատման հանցակազմը։ Այսինքն՝ տրամադրվել են օգնություն այնպիսի անձանց, որոնք կարիքավոր չեն։ Մենք մեղադրանքը չենք ընդունում, հրաժարվել ենք ցուցմունք տալուց։ Բայց, պայմանականորեն ընդունենք, կարգը խախտել է և օգնություններ է տրամադրվել ոչ կարիքավոր մարդկանց։ Եթե կա խախտում, այն իր մեջ կարող է պարունակել կարգապահական զանցանքի հատկանիշներ, տվյալ դեպքում ինչպե՞ս է վարույթ իրականացնող մարմինը տվել սահմանումը կարգապահական զանցանքի և հանցագործության»,- նշեց Ալեքսանյանը։
Պաշտպանի գնահատմամբ՝ Յոլյանին առաջադրված մեղադրանքը քաղաքական դրդապատճառներ ունի:
Ռոզա Վարդանյան
