18.12.2025 | 11:00
Կառավարության նիստը՝ ՈՒՂԻՂ
Քաբուլում կանայք բողոքի ցույցի են դուրս եկել
Քաղաքականություն
17.08.2021 | 19:23
Աֆղանստանի մայրաքաղաք Քաբուլի կենտրոնում կանայք բողոքի ցույց են անցկացրել՝ պահանջելով կանանց պաշտոններ տալ կառավարությունում: Այս մասին հայտնում է Khaama Press-ը։
Կունար նահանգում երիտասարդները բողոքի ցույց են անցկացրել ՝ պահանջելով թալիբներից պահպանել Աֆղանստանի նախկին կառավարության դրոշը: Այս պահանջին կողմ են ամբողջ Աֆղանստանում:
Թալիբները հայտարարել են, որ կրթական հաստատությունները դեռ բաց են տղամարդկանց և կանանց համար, սակայն դրանք այժմ չեն աշխատում Քաբուլում: Թալիբները հանդիպել են նաև բուժանձնակազմում աշխատող մի խումբ կանանց և խնդրել են շարունակել աշխատանքը:
Հիշեցնենք, որ ավելի վաղ թալիբները համաներում էին հայտարարել պաշտոնյաներին: Համընդհանուր համաներման շրջանակներում քաղաքացիական ծառայողներին առաջարկվում է վերադառնալ իրենց աշխատանքին:
Թալիբները նաև կառավարությունում պաշտոններ են առաջարկել կանանց։ Նրանց պնդմամբ՝ այժմ պաշտոն զբաղեցնող կանայք կշարունակեն իրենց աշխատանքը։
Տաթև Ֆռանգյան
