15.02.2026 | 11:26
ԱՄՆ բանակը պատրաստվում է Իրանի դեմ երկարատև գործողության․ Reuters
Ստեղծված հարցերի փարատման միակ եղանակը ՍԴ դիմելն է. Արմեն Գևորգյան․ ՏԵՍԱՆՅՈւԹ
Քաղաքականություն
17.08.2021 | 16:06
Նախկին փոխվարչապետ, այժմ «Հայաստան» խմբակցության պատգամավոր Արմեն Գևորգյանն այսօր դատարանում կարծիք հայտնեց, որ իր նկատմամբ քրեական հետապնդման հարցը պետք է պարզի Սահմանադրական դատարանը: Առաջին ատյանի դատարանի՝ Սահմանադրական դատարան բողոքարկելու համար համապատասխան միջնորդությունը ներկայացրել է Գևորգյանի պաշտպան Էրիկ Ալեքսանյանը:
«Ես ելույթ չէի ունենա, եթե դատախազի խոսքերն ինձ մի փոքր տարօրինակ չթվային»,- ասաց Գևորգյանը:
«Դահլիճում նստածներից ոչ մեկ, Սահմանադրական դատարանից բացի, չի կարող պարզել Սահմանադրության ճշմարիտ մտադրությունները: Ժողովուրդը, որը իշխանության միակ աղբյուրն է երկրում, մանդատ է տալիս պատգամավորին: Այս պահին բոլոր հանգամանքները պետք է հաշվի առնվեն: Երբ մարդն ընտրություններից հետո գնում է Ազգային ժողով, նա չպետք է «կապված» լինի իշխանությունների կողմից: Այլ հարց է, երբ նա, արդեն պատգամավորի կարգավիճակում, իրավախախտում է կատարում, որի մասին ժողովուրդը տեղյակ չէ ընտրությունների պահին: Ես առաջարկում եմ, որ եթե կասկածներ կան, իսկ մենք արդեն երկու ամիս է, ինչ քննարկում ենք այդ կասկածները, անհրաժեշտ է դրանք ցրել: Դա կարող է անել միայն Սահմանադրական դատարանը»,- նշեց պատգամավորը:
Մանրամասները՝ տեսանյութում:
