10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Օրենքի փոփոխության հիմքում դրված էր ապաքաղաքականացնել բուհերի կառավարումը, սակայն արվում է ճիշտ հակառակը. Անահիտ Բախշյան. ՏԵՍԱՆՅՈՒԹ
Հասարակություն
13.03.2018 | 15:17
«Բարձրագույն կրթության մասին» օրենքի նախագիծը վտանգավոր դրույթ է պարունակում: Այսօր լրագրողների հետ հանդիպմանն ասաց Երևանի ավագանու «Ելք» խմբակցության անդամ, կրթության փորձագետ Անահիտ Բախշյանը:
Ըստ տիկին Բախշյանի՝ նախագիծը, որը հանրային քննարկման էր դրվել իրավական ակտերի նախագծերի հրապարակման միասնական e-draft.am կայքում, կառավարություն է ուղարկվել փոփոխությամբ, համաձայն որի, բուհերի խորհուրդների կազմերը հաստատելու է վարչապետը:
«Այս դրույթը e-draft.am կայքում տեղադրված տարբերակում չկար: Սա ճիշտ հակառակ նպատակն ունի, որովհետև օրենքի փոփոխության հիմքում դրված էր ապաքաղաքականացնել բուհերի կառավարումը: Ինչի մասին խոստացավ հինգերորդ անգամ նախարար դարձած Լևոն Մկրտչյանը»,- նշեց տիկին Բախշյանը՝ համաձայնելով այն տեսակետների հետ, որ Հայաստանում բոլոր լծակները փոխանցվում են ապագաա վարչապետին:
Կրթության մեկ այլ փորձագետ Արևիկ Անափիոսյանն էլ կարծում է, որ նոր օրենքի նախագիծը պետք է միտված լիներ դասախոսի դերն ու կարևորությունը բարձրացնելուն: «Պետք է լիներ այնպես, որ դասախոսն ունենար ակդեմիական ազատություն և հնարավորություն ստանար աշխատանքը շարունակելու ոչ թե բուհից դուրս, այլ բուհում»,- հավելեց Արևիկ Անափիոսյանը:
Մանրամասները՝ տեսանյութում:
