17.09.2026 | 11:00
Կառավարության նիստը՝ ՈՒՂԻՂ
Անգելա Մերկելը կայցելի ՌԴ և Ուկրաինա
Քաղաքականություն
13.08.2021 | 17:00
Գերմանիայի դաշնային կանցլեր Անգելա Մերկելը շուտով կմեկնի Ռուսաստան և Ուկրաինա։ Այս մասին հայտարարել է ԳԴՀ կառավարության պաշտոնական ներկայացուցիչ Շտեֆեն Զաայբերտը Բեռլինում կայացած մամլո ասուլիսի ժամանակ, գրում է DW-ի ռուսական ծառայությունը։
Նրա խոսքով՝ Մերկելը Մոսկվա կժամանի օգոստոսի 20-ին, որտեղ կհանդիպի ՌԴ նախագահ Վլադիմիր Պուտինի հետ։ Երկու օր անց ԳԴՀ կանցլերը կմեկնի Ուկրաինա։
Զայբերտը խոստացել է այցի մանրամասները հայտնել հաջորդ շաբաթ։ Միևնույն ժամանակ Ուկրաինայի նախագահի մամլո քարտուղար Սերգեյ Նիկիֆորովն ավելի վաղ նշել է, որ Անգելա Մերկելն ու Վլադիմիր Զելենսկին կքննարկեն անվտանգային ու երկկողմ հարաբերություններին առնչվող հարցեր։
Հավելենք, որ Գերմանիայի կանցլերը վերջին անգամ ՌԴ էր ժամանել 2020 թվականի հունվարին։
Տաթև Ֆռանգյան
