02.04.2026 | 18:35
Ռազմավարական նշանակություն ունի թյուրքական աշխարհի համար. Ալիևն ու Ասադովը խոսել են «Զանգեզուրի միջանցքից»
Մեծ Բրիտանիայում հրազենային զենքի կիրառմամբ զանգվածային սպանություն է տեղի ունեցել․ զոհերի թվում կա 5-ամյա երեխա
Քաղաքականություն
13.08.2021 | 14:03
Մեծ Բրիտանիայում վերջին 11 տարվա ընթացքում առաջին անգամ հրազենային զենքի կիրառմամբ զանգվածային սպանություն է տեղի ունեցել։ 5 մարդ, այդ թվում նաև մեկ երեխա, սպանվել են Անգլիայի հարավ-արևմուտքում գտնվող Պլիմութ քաղաքում, գրում է Reuters-ը։
Ականատեսներից մեկի խոսքով՝ կիսաավտոմատ զենքով զինված տղամարդը կոտրել է տներից մեկի դուռը, ինչից հետո կրակ է բացել այնտեղ գտնվող մոր և նրա երեխայի վրա։ Դրանից հետո նա քայլեր է ձեռնարկել դեպքի վայրից փախուստի դիմելու ուղղությամբ, վազել է մոտակա զբոսայգով ու այնտեղ երկու մարդու գնդակահարել, ովքեր շների հետ զբոսնելիս են եղել։
Ոստիկանությունը հայտնել է, որ հրաձգության հետևանքով զոհվել է վեց մարդ, այդ թվում՝ հարձակվողը, գրում է BBC-ի ռուսական ծառայությունը:
Տեղացիները պարզել են, որ կրակողը Ջեյք Դևիսոնն է:
Միջադեպը տեղի է ունեցել երեկոյան ժամը 6 -ի սահմաններում, Քեյհեմ շրջանում:
The Guardian- ը նշում է, որ հրաձգության պատճառը կարող էր լինել «ընտանեկան կոնֆլիկտը»:
Ինչպես նշում է Daily Mail- ը, հրաձիգը ինքնասպանություն է գործել (այլ աղբյուրների համաձայն՝ նրան գնդակահարել են ոստիկանները):
The Times- ը հայտնում է, որ զոհվածների թվում կա հինգ տարեկան աղջիկ:
Տաթև Ֆռանգյան
