02.04.2026 | 10:38
Այց «Եռաբլուր»՝ քառօրյա պատերազմի տարելիցի կապակցությամբ. ՈՒՂԻՂ
Գերմանիան կոչ է արել իր քաղաքացիներին հրատապ կերպով լքել Աֆղանստանը
Քաղաքականություն
12.08.2021 | 14:21
«Թալիբան» արմատական շարժման զինյալների գրոհների ֆոնին՝ Գերմանիայի կառավարությունը կրկին կոչ է անում իր քաղաքացիներին հրատապ կերպով լքել Աֆղանստանը․ գրում է DW-ի ռուսական ծառայությունը։
Համապատասխան հաղորդագրությունն օգոստոսի 12-ին հրապարակվել է Քաբուլում Գերմանիայի դեսպանության Twitter-ի էջում։ Դիվանագիտական ներկայացուցչությունը նշել է, որ այս պահին Գերմանիայի քաղաքացիներին կոնսուլական օգնություն ցուցաբերելը «ծայրահեղ սահմանափակ է»։
Հիշեցնենք, որ վերջին շաբաթներին ԱՄՆ-ն, Մեծ Բրիտանիան ու այլ երկրները ևս կոչ են արել իրենց քաղաքացիներին հրատապ կերպով լքել Աֆղանստանը, իսկ Ֆրանսիան ու Հնդկաստանն արդեն ինքնաթիռներով տարհանել են իրենց քաղաքացիներին։
Աֆղանստանից միջազգային զորքերը դուրս բերելու որոշումից հետո թալիբները գրավել են երկրի մեծ մասը: Օգոստոսի 12-ին շարժումը հայտարարել է, որ իր վերահսկողության տակ է վերցրել Գազնի քաղաքը՝ երկրի հարավ-արևելքում գտնվող համանուն նահանգի վարչական կենտրոնը: Ռազմավարական նշանակություն ունեցող այս քաղաքը գտնվում է Քաբուլից 150 կմ-ից պակաս հեռավորության վրա:
Տաթև Ֆռանգյան
