24.04.2026 | 10:25
ՀՀ տարածքում ավտոճանապարհները հիմնականում անցանելի են
«Պատասխանե՛ք, պարո՛ն Թովմասյան», «Երևի տիկին», «Հազար ներողություն, տիկին»․ Ռուբինյանը շփոթվեց․ ՏԵՍԱՆՅՈւԹ
Քաղաքականություն
12.08.2021 | 12:25
Խորհրդարանը քննարկում է ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահի ընտրության հարցը:
Այս պաշտոնում առաջադրվել է «Պատիվ ունեմ» խմբակցության պատգամավոր Թագուհի Թովմասյանի թեկնածությունը:
«Հայաստան» խմբակցության պատգամավոր Արամ Վարդևանյանն անդրադարձավ ԱԺ-ում կարգապահական միջոցների կիրառմանը և դիմելով Թագուհի Թովմասյանին՝ հետաքրքրվեց, թե նա ինչ դիրքորոշում ունի խտրական վերաբերմունքի առկայության և հանձնաժողովի դերակատարման վերաբերյալ:
ԱԺ փոխնախագահ Ռուբեն Ռուբինյանն արձագանքեց՝ խոսելով կարգապահական միջոցներ կիրառելու մասին, այնուհետև դիմելով Թագուհի Թովմասյանին՝ հորդորեց պատասխանել Վարդևանյանի հարցին:
«Պատասխանե՛ք, պարո՛ն Թովմասյան»,- ասաց Ռուբինյանը:
Թագուհի Թովմասյանն ուղղեց նրան. «Երևի տիկին Թովմասյան»:
«Հազար ներողություն»,- արձագանքեց Ռուբինյանը:
«Հասկանում եմ, որ լարվածությունը փոքր-ինչ ավելացել է, բայց ես էլ եմ հորդորում տարբերակված մոտեցում չկիրառել»,- ասաց ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահի թեկնածուն:
Մանրամասները՝ տեսանյութում:
