27.11.2024 | 18:15
Հայկ Մարությանը մասնակցել է Անդրանիկ Թևանյանի նախաձեռնած ստորագրահավաքին
Ալժիրում անտառային հրդեհների զոհ է դարձել 65 մարդ․ ՏԵՍԱՆՅՈՒԹ
Քաղաքականություն
11.08.2021 | 23:23
Ալժիրում անտառային հրդեհների զոհ է դարձել 65 մարդ։ Զոհերի թվում կան զինվորականներ ու քաղաքացիական անձինք։ Այս մասին հայտնում է ՌԻԱ Նովոստին՝ հղում կատարելով երկրի պետական հեռուստաալիքին։
Երեքշաբթի երեկոյան Ալժիրի վարչապետ Այման բեն Աբդուրաhմանը հայտնել է, որ լեռնային շրջաններում հրդեհի զոհ է դարձել 42 մարդ։ Նույն օրը Ալժիրի պաշտպանության նախարարությունը հայտարարել է այն մասին, որ 18 զինվորական է զոհվել՝ փորձելով հանգցնել անտառային հրդեհներն ու մարդկանց փրկել, որոնք շրջափակված են մնացել Տիզի-Ուզու նահանգի լեռնային շրջաններում տեղակայված գյուղերում։
«Անտառային հրդեհների զոհ է դարձել 65 մարդ, նրանցից 28-ը` զինծառայող, 37-ը` քաղաքացիական անձինք։ Զոհերի մեծ մասը Տիզի-Ուզու նահանգում են գրանցվել»,- հայտնում է պետական հեռուստաալիքը։
Մանրամասները՝ տեսանյութում
Տաթև Ֆռանգյան
