31.07.2026 | 00:19
Կոնֆերենցիաների լիգա. «Ալաշկերտը» 10 ֆուտբոլիստով պարտվեց «Կլուժին»
Ամերիկացի պաշտոնյաները նախազգուշացնում են` Աֆղանստանի մայրաքաղաքի գրավումը թալիբների կողմից կարող է սպասվածից շուտ լինել․ The Washington Post
Քաղաքականություն
11.08.2021 | 21:46
Աֆղանստանում «Թալիբան» արմատական շարժման զինյալների արագ առաջխաղացման հետ կապված՝ երկրի մայրաքաղաք Քաբուլը կարող է նրանց վերահսկողության տակ վերցվել շատ ավելի վաղ, քան նախապես ենթադրում էր Վաշինգտոնը։
ԱՄՆ-ի Հետախուզական համայնքի տվյալների համաձայն՝ քաղաքը կարող է գրավվել 30-90 օրվա ընթացքում: Այդ մասին օգոստոսի 11 -ին հայտնել է The Washington Post- ը ՝ վկայակոչելով ամերիկյան հետախուզական ծառայություններում իր անանուն աղբյուրները:
Միևնույն ժամանակ ամերիկյան հետախուզությունը կանխատեսում էր, որ Քաբուլը կանցնի թալիբների վերահսկողության տակ միայն 6-12 ամսվա ընթացքում Աֆղանստանի տարածքից ԱՄՆ զորքերի դուրսբերումից հետո։
Չնայած Աֆղանստանում անվտանգության ոլորտում իրավիճակի վատթարացմանը, ԱՄՆ նախագահ Ջո Բայդենն ընդգծել է, որ չի զղջում այդ երկրից ԱՄՆ ռազմական զորախմբի դուրսբերման որոշման մասին ու կրկին հանդես է եկել այդ որոշման օգտին։
Մինչ այդ, «թալիբներն» հայտարարել են Աֆղանստանի՝ արդեն թվով 9-րդ մարզկենտրոնի գրավման մասին։
Այս պահին Աֆղանստանից ամերիկյան զորքերի դուրսբերման գործընթացն ավարտվել է ավելի քան 95 տոկոսով: Գերմանական Բունդեսվերի և ՆԱՏՕ-ի այլ երկրների զինվորներն արդեն լքել են այս երկրի տարածքը:
Տաթև Ֆռանգյան
