02.04.2026 | 10:38
Այց «Եռաբլուր»՝ քառօրյա պատերազմի տարելիցի կապակցությամբ. ՈՒՂԻՂ
Հազարավոր ցուցարարներ շրջափակել են Լիտվայի սեյմը՝ պահանջելով կառավարության հրաժարականը
Քաղաքականություն
11.08.2021 | 19:03
COVID-19-ի պատճառով սահմանափակումների դեմ բողոքի ակցիայի մասնակիցները շրջափակել են Լիտվայի սեյմը։ Այս մասին հայտնում է РЕН ТВ-ն։
Նախօրեին Վիլնյուսում շուրջ 20 հազար մարդ է հավաքվել, ովքեր դեմ են երկրի իշխանությունների նոր որոշմանը, որն ուղղված է կորոնավիրուսի դեմ պայքարին։ Մարդիկ պահանջում են սեյմի լուծարում ու կառավարության հրաժարականը։
ԶԼՄ-ների տեղեկությունների համաձայն՝ խորհրդարանի շենքի մոտ են բերվել զրահամեքենաներ։ Ցուցարարներին ցրելու համար արցունքաբեր գազ է կիրառվել։
Համաձայն հեռուստաընկերության տվյալների՝ ցուցարարներն արգելափակել են խորհրդարանի շենքի դռները ու պատգամավորներին թույլ չեն տվել դուրս գալ շենքից։ Խորհրդականներին հաջողվել է շենքից դուրս հանել ավտոբուսներով։ Ցուցարարներն ավտոբուսների ուղղությամբ քարեր են շպրտել։
Տաթև Ֆռանգյան
