19.11.2024 | 14:16
Չունենք բավարար քանակի հետազոտություններ, որոնք տնտեսության զարգացմանը նպաստեն․ ԲՈԿ նախագահ․ ՏԵՍԱՆՅՈՒԹ
Գերմանիայում ձերբակալվել է ՌԴ օգտին լրտեսության մեջ մեղադրվող բրիտանացի
Քաղաքականություն
11.08.2021 | 17:56
Գերմանիայի ոստիկանությունը ձերբակալել է Բեռլինում Մեծ Բրիտանիայի դեսպանատանը աշխատող բրիտանացու, որը կասկածվում է կանխիկ գումարի դիմաց ռուսական հետախուզական ծառայությանը փաստաթղթեր փոխանցելու մեջ, գրում է Reuters-ը:
Գերմիայի հետախուզությունից հայտնել է, որ ոմն Դավիթ Ս․-ի բնակարանում ու աշխատավայրում խուզարկություն է իրականացվել, և որ վերջինս կկանգնի դատարանի առջև չորեքշաբթի օրը։
Բրիտանիայի ոստիկանությունը հայտնել է, որ կասկածյալը 57 տարեկան է։
«Առնվազն մեկ անգամ նա մասնագիտական գործունեության ընթացքում ձեռք բերված փաստաթղթերը փոխանցել է ռուսական հետախուզական ծառայության ներկայացուցչին», – ասված է Գերմանիայի գլխավոր դաշնային դատախազության հայտարարության մեջ:
Մայիսին Մեծ Բրիտանիան հանդես եկավ օտարերկրյա պետությունների թշնամական գործողությունների դեմ պայքարի ծրագրերով ՝ առաջարկելով օրենք, որը անվտանգության ծառայություններին և իրավապահ մարմիններին նոր լիազորություններ է տալիս աճող սպառնալիքները հաղթահարելու համար:
Տաթև Ֆռանգյան
