16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Թուրքիայի ԶՈՒ-ն մոտենում է Աֆրինին
Քաղաքականություն
12.03.2018 | 14:14
Թուրքիայի կողմից Աֆրինում քրդական ուժերի դեմ իրականացվող «Ձիթենու ճյուղ» ռազմական գործողության շրջանակներում Աֆրինի խաղաղ բնակչությունը սկսել է լքել սեփական տները. փոխանցում է EH_ն:
Աղբյուրը շեշտում է, որ Թուրքիայի բանակի ստորաբաժանումները, ինչպես նաև «Սիրիայի ազատ բանակ» խմբավորումը, արդեն Աֆրին քաղաքից 4-5 կմ հեռավորության վրա են գտնվում։
Ավելի վաղ էլ Թուրքիայի նախագահ Ռեջեփ Թայիփ Էրդողանը հայտարարել էր, որ Թուրքիայի զինուժը մոտ ժամանակներս կմտնի Աֆրին քաղաք։
Նշվում է, որ Աֆրինից հեռացող բնակչության մի մասը շարժվում է դեպի Սիրիայի կառավարական ուժերի վերահսկողության տակ գտնվող տարածքներ։ Իսկ մյուս մասը տեղափոխվում է Սիրիայի քրդերի վերահսկողության տակ գտնվող Մանբիչ քաղաք։
Հիշեցնենք, որ պաշտոնական Անկարայի աջակցությունը վայելող «Սիրիայի ազատ բանակ» խմբավորումը հունվարի 20-ին Թուրքիայի օդուժի աջակցությամբ ներխուժել էր Սիրիայի քրդերի վերահսկողության տակ գտնվող Աֆրին շրջան։ «Ձիթենու ճյուղ» օպերացիայի նպատակն է Սիրիայի քրդերից վերցնել Թուրքիայի հետ սահմանին ընկած 30կմ խորությամբ հատվածը և այնտեղ հիմնել անվտանգության գոտի։
