14.09.2026 | 19:44
Երևանում մեկնարկել է կայուն տրանսպորտային միջանցքներին նվիրված աշխատաժողով
Իշխանություններից բողոքող պատերազմի մասնակից ադրբեջանցին ֆեյսբուքյան ուղիղ եթերում ինքնասպանության փորձ է արել
Քաղաքականություն
05.08.2021 | 16:23
Ադրբեջանում չեն մարում Արցախյան 44-օրյա պատերազմի մասնակիցների դժգոհությունները։ Սոցիալական ցանցերի ադրբեջանական տիրույթում ակտիվորեն քննարկվում է նախօրեին տեղի ունեցածը։ Գաբալայի Յենգիջե գյուղի բնակիչ, պատերազմի մասնակից Բահրամ Նուրիևը ֆեյսբուքյան ուղիղ եթերում ինքնասպանության փորձ է արել։
Երկար ժամանակ է, ինչ Նուրիևը դժգոհում է ադրբեջանական իշխանություններից, պատկան մարմիններից, որ իրեն՝ որպես պատերազմի մասնակցի, անուշադրության են մատնել։ Իր դժգոհությունները նա մինչ այս պարբերաբար արտահայտել է ֆեյսբուքյան գրառումների միջոցով։
Հավելենք, որ պատերազմի մասնակից ադրբեջանցիները հաճախ են դժգոհում իրենց խնդիրների նկատմամբ պետական մարմինների անտարբերությունից։ Նրանք պարբերաբար տարբեր խմբերով բողոքի ակցիաներ են կազմակերպում պատկան կառույցների՝ այդ թվում ՊՆ-ի մոտ՝ պահանջելով լուծել իրենց սոցիալական, առողջական ու այլ խնդիրները։
Էմմա Չոբանյան
