01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
ԱԺ նախագահը հանդիպել է լրագրողների հետ, խոստացել քննարկել շենքի տարածքում տեղաշարժի սահմանափակումների խնդիրը
Հասարակություն
04.08.2021 | 17:15
Այսօր Ազգային ժողովի նախագահ Ալեն Սիմոնյանը խորհրդարանի շենքում հանդիպել է Ազգային ժողովում հավատարմագրված հինգ լրագրողների հետ։ Հանդիպմանը մասնակցել են «Ժողովուրդ» օրաթերթից Սոնա Գրիգորյանը, «Առավոտ» օրաթերթից Հռիփսիմե Ջեբեջյանը, hraparak.am-ից Վահե Մակարյանը, «Կենտրոն» հեռուստաընկերությունից Իզաբելլա Հովհաննիսյանը և Factor TV-ից Մերի Մարտիրոսյանը։
Հանդիպմանը քննարկվել են օգոստոսի 2-ից շենքում գործող տեղաշարժի սահմանափակումները, ինչպես նաև՝ սեպտեմբերից նախատեսվող առանձին գոտու տրամադրումը։
Ալեն Սիմոնյանն ասել է, որ իրենց նպատակն անվտանգության ապահովումն է և աշխատանքի կանոնակարգումը։ Լրագրողներն իրենց հերթին շեշտել են, որ ստեղծված իրավիճակում խաթարվել է իրենց աշխատանքը, իսկ փակ գոտու ձևավորումն ավելի է դժվարացնում պատգամավորների հետ շփումն ու ճեպազրույցների անցկացումը։ ԱԺ նախագահը լսել է լրագրողների առաջարկները և խոստացել քննարկել դրանք՝ հորդորելով մի քանի օր սպասել։
Մերի Մարտիրոսյան
