16.12.2025 | 14:54
Զելենսկին հաստատել է, որ Ուկրաինան, ԱՄՆ-ն ու Եվրոպան Բեռլինում համաձայնության են եկել անվտանգության երաշխիքների շուրջ
Հետախուզման մեջ գտնվող Ղրղզստանի նախկին նախագահը Բիշքեկ է տեղափոխվել
Քաղաքականություն
02.08.2021 | 17:42
Ղրղզստանի նախկին նախագահ Ասկար Ակաևը, որը գտնվում էր հետախուզման մեջ «Կումտոր» ոսկու հանքավայրի կոռուպցիոն գործի հետ կապված, այսօր տեղափոխվել է Բիշքեկ։ Այս մասին հաղորդել է երկրի Ազգային անվտանգության պետական կոմիտեն, փոխանցում է DW-ի ռուսական ծառայությունը։
Ղրղզստանի լրատվամիջոցների հաղորդմամբ՝ նախկին նախագահը Բիշքեկ է ժամանել «Աերոֆլոտի» օդանավով, նրա հետ եղել է որդին՝ Իլիմ Ակաևը։ Նշվում է, որ Ակաևին հանձնել են միջգերատեսչական քննչական խմբին։
Ղրղզստանի Գլխավոր դատախազության տվյալներով՝ 1992-2019 թվականներին առանձին պաշտոնատար անձինք և «Ղրղզստան» ԲԲԸ-ն ստեղծել են անօրինական և ամուր կապ կանադական Cameco ընկերության, ինչպես նաև «Կումտոր» և «Կումտոր Գոլդ» ընկերությունների հետ և «անօրինական նյութական միջոցների ու օգուտների ստացման նպատակով կնքել են Ղրղզստանի համար ոչ շահավետ պայմանագրեր՝ «Կումտոր» ոսկու հանքավայրի շահագործման»։
Այդ կոռուպցիոն սխեմայում մասնակցության մեջ կասկածվում է նաև երկրի նախկին նախագահ Ակաևը, որը Ղրղզսատանը լքել է 2005 թվականի իշխանափոխությունից հետո։
Էմմա Չոբանյան
