22.06.2026 | 11:45
«Տելեկոմ Արմենիա»-ն և «AzerTelecom»-ը համաձայնագիր են ստորագրել ինտերնետ թրաֆիկի տարանցման վերաբերյալ
Ադրբեջանում ՏԻՄ ընտրությունները նշանակվել են 2025թ. հունվարի 29-ին
Քաղաքականություն
27.11.2024 | 17:21
Ադրբեջանում հաջորդ տեղական ինքնակառավարման մարմինների ընտրությունները տեղի կունենան 2025 թվականի հունվարի 29-ին։ Այս մասին Կենտրոնական ընտրական հանձնաժողովի այսօրվա նիստում հայտարարել է Հանձնաժողովի ղեկավար Մազահիր Փանահովը, գրում են ադրբեջանական լրատվամիջոցները։
Նախընտրական քարոզարշավը սկսվելու է 2025 թվականի հունվարի 6-ին։
Նշվում է, որ գրավյալ Արցախի շրջաններում ընտրություններ չեն անցկացվելու։ Ընտրություններ են կազմակերպվելու 118 ընտրատարածքներում։
Համաձայն Ընտրական օրենսգրքի՝ ՏԻՄ ընտրությունները նշանակում է Կենտրոնական ընտրական հանձնաժողովը, և համապատասխան որոշումը պաշտոնապես հրապարակվում է քվեարկության օրվանից ոչ ուշ, քան 60 օր առաջ։ Համայնքային ընտրություններն անցկացվում են 5 տարին մեկ անգամ։ Վերջին տեղական ինքնակառավարման մարմինների ընտրությունները տեղի են ունեցել 2019 թվականին։
Բացի այդ, վերջին տարիներին մունիցիպալիտետների խոշորացման քաղաքականություն է տարվում։ Դրանց թիվը 1400-ից նվազել է 685-ի։
Թարգմանությունը՝ Էմմա Չոբանյանի
