16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Կարծում եմ՝ Արշակ Կարապետյանը նախարար կնշանակվի, սահմանված ժամկետում պիտի ի զորու լինի խնդիր լուծել. ՏԵՍԱՆՅՈՒԹ
Քաղաքականություն
30.07.2021 | 18:03
Արշակ Կարապետյանը նշանակվել է պաշտպանության նախարարի առաջին տեղակալ: Առաջիկայում որևէ անձ պաշտպանության նոր նախարար կնշանակվի: Factor.am-ի հետ զրույցում անդրադառնալով այս դիտարկմանը և բանակի մեջքն ուղղելու խնդրին՝ «Իմ քայլը» խմբակցության պատգամավոր Արմեն Խաչատրյանը նշեց, որ, իր կարծիքով, հենց Արշակ Կարապետյանն էլ կնշանակվի պաշտպանության նախարարի պաշտոնում. «Ով էլ նախարար նշանակվի, սահմանված ժամկետում պիտի ի զորու լինի լուծել իր առջև դրված խնդիրները: Եթե Արշակ Կարապետյանը նշանակվի, ապա նա ստանձելու է պարտականություն՝ սահմանված ժամանակահատվածում որոշակի ծավալի աշխատանքներ իրականացնել: Եթե պաշտոնյան, ստանձնելով պաշտոնը, չի կարողանում լուծել այն խնդիրները, որոնց լուծման համար է ինքը նշանակվել, դա առաջացնում է հարցեր և նման պաշտոնյաների պաշտոնավարումը դադարեցվում է:
Խաչատրյանի խոսքով՝ եթե ՀՀ վարչապետը որոշում կայացնի Արշակ Կարապետյանին նշանակել պաշտպանության նախարար, ապա դա կնշանակի, որ վերջինս իր առջև դրված խնդիրները լուծելու պատրաստակամություն է հայտնել, և վարչապետը տեսել է նրա՝ այդ խնդիրները լուծելու համար անհրաժեշտ հնարավորությունները:
Մանրամասները՝ տեսանյութում:
