09.06.2026 | 16:03
Վենեսուելայի նախագահը հանդիպել է Էրդողանի հետ Թուրքիա կատարած անակնկալ այցի ժամանակ
Մահացել է բանաստեղծ, լրագրող Արմեն Շեկոյանը
Մշակույթ
29.07.2021 | 17:34
68 տարեկանում կյանքից հեռացել է բանաստեղծ, լրագրող Արմեն Շեկոյանը, այս մասին Factor.am-ին հայտնեց Գրողների միության նախագահ Էդուարդ Միլիտոնյանը:
Արմեն Շեկոյանը ծնվել է 1953 թվականի մարտի 28-ին:
1974 թվականին Արմեն Շեկոյանն ավարտել է Երևանի Խաչատուր Աբովյանի անվան պետական մանկավարժական համալսարանի բանասիրական ֆակուլտետը։ Հետագայում 1985 թվականին սովորել է Մոսկվայի Մաքսիմ Գորկու անվան գրականության ինստիտուտի գրական բարձրագույն դասընթացներում։ Աշխատել է Երևանի բժշկական ինստիտուտում, 1976-1990 թվականներին՝ «Ծիծեռնակ» ամսագրում, Գրական ինստիտուտում, «Սովետական գրող» հրատարակչությունում, ՀՀ մշակույթի նախարարությունում։ 1990-1992 թվականներին եղել է «Նաիրի» հրատարակչության գլխավոր խմբագիր, 1992-1997 թվականներին եղել է Հովհ. Թումանյանի տուն-թանգարանի տնօրենը։
Արմեն Շեկոյանը հեղինակել է «Մետաքսի ճանապարհ» պատմվածքների ժողովածուն, «Երևան-հյուրանոց», «Թուղթ ու գիր»,«Բախտ», «Ճոճք», «Անձրև, անձրև, մի արի»,«Ճամփորդ արևը» «Անտիպոեզիա» բանաստեղծությունների ժողովածուները։
