«Պատրոն Դավոն» «բունկերում» է գտնվել, պետք է պարզել՝ ով է իրեն այդ իրավունքը տվել. Արման Բաբաջանյան. ՏԵՍԱՆՅՈՒԹ

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Նախատեսվում է ստեղծել 44-օրյա պատերազմի հանգամանքները քննող քննիչ հանձնաժողով: Թեմայի շուրջ Factor.am-ի հետ զրույցում «Հանուն հանրապետության» կուսակցութնյան ղեկավար Արման Բաբաջանյանը նշեց, որ եթե իշխանությունը չնախաձեռնի, հնարավոր չէ պատերազմի հանգամանքներն ուսումնասիրել. «Այո’, միայն իշխանությունը կարող է նախաձեռնել, որովհետև այլ որևէ քաղաքական  միավորի նախաձեռնություն չի կարող այդպիսի գործընթացի սկիզբ դառնալ»:

Բաբաջանյանի խոսքով՝ հանձնաժողովը խորհրդարանական չի լինելու, ներգրավված են լինելու նաև արտախորհրդարանական ուժեր. «Ես ավելի մեծ ներգրավվածություն եմ պատկերացնում, այդ թվում նաև փորձագետների, որոնք պատերազմներ ուսումնասիրելու փորձ ունեն: Ապրիլյան պատերազմի քննիչ հանձնաժողովում այդպիսի մասնակցություն չի եղել»:

«Պետք է ուսումնաիրել բոլոր ուղղությունները՝ ինչու փոխվեց Իրանի, Վրաստանի վարքը,  ՀՀ բարձրաստիճան պաշտոնյան գաղտնի այցը Իրան… Ես հույս ունեմ, որ հանձնաժողովը լայն համատեքստեր կկարողանա դիտարկել… Կա փորձագիտական կարծիք, որ նպատակ կար պատերազմն ավարտել մինչև Բայդենի պաշտոնամուտը. ի՞նչ կապ կար այս ամենի հետ, և առհասարակ ռուս-թուրքական աշխարհակարգի հաստատման և այդ իրողությունների միջև ի՞նչ կապ կար: ՀՀ արտաքին գերատեսչությունը որքանո՞վ էր պատրաստ այսպիսի զարգացման, արդյո՞ք իրեն մեղսակից է համարում ստեղծված իրավիճակի համար և արդյո՞ք պատերազմը համարում է իր տապալումը:

Դիվանագետներ կան, որոնք անակնկալի են եկել Սերժ Սարգսյանի և Ռոբերտ Քոչարյանի՝ քարոզարշավի ընթացքում կատարած այն հայտարարություններից, թե 20 տարի բանակցել են ազատագրված տարածքների վերադարձի շուրջ և դրա մասին ոչ միայն ժողովրդին, այլ նաև դիվանագետներին չի տեղեկացվել: Դիվանագետներն ասում են, որ իրենք ամեն գնով ազատագրված տարածքները պաշտպանելու և անվտանգության գոտու գոյությունը հիմնավորելու մասին են խոսել: Այսօր ակնհայտ է դառնում, որ բանակցվել է տարածքների վերադարձի շուրջ: Սա հարցեր է առաջացնում. եթե դիվանագետները տեղյակ չեն եղել, ովքե՞ր են պատվիրակել այդպիսի բանակցություններ վարել, արդյո՞ք այլ բանակցություններ վարելու հնարավորություն ունեինք և արդյո՞ք Նիկոլ Փաշինյանի՝ բանակցությունները նոր էջից սկսելու մարտավարությունը և քայլը արդարացված էր, և արդյո՞ք դա պատերազմ սկսելու առիթ դարձավ 2020-ին: Սրանք հարցեր են, որոնք, հույս ունեմ, համակողմանի կուսումնասիրվեն: Ինչպես նաև կուսումնասիրվեն բանակի կորպուսների շարժը, առանձին գեներալների, զինվորականների քայլերը, նահանջները, նրանցից յուրաքանչյուրի դերակատարումը:

Հանձնաժողովը, խոշոր հաշվով, ստեղծվում է այն նպատակով, որ հասկանալի դառնա, թե ռազմաքաղաքական պատասխանատուների շրջանակներից ով ինչ որոշումներ է կայացրել, և դրանք ինչ հետևանքներ են ունեցել…

Շատ կարևոր է ձեռքի տակ ունենալ պատշաճ տեղեկատվություն սպառազինության վերաբերյալ, «Պատրոն Դավոյի» ունեցած ազդեցության մասին, օրինակ՝ «Պատրոն Դավոն» «բունկերում» է գտնվել, պետք է պարզել՝ ո՞վ է իրեն այդ իրավունքը տվել… Որքանո՞վ է իրավաչափ տարբեր երկրների կողմից հետախուզման մեջ գտնվող անձի հայտնվելը պաշտպանության մատույցներում»,- նշեց Բաբաջանյանը:

Նրա խոսքով՝ ոչ միայն պատերազմի հարուցած հարցերին պետք է հիմնավոր պատասխաններ տրվեն, այլ նաև քննիչ հանձնաժողովը կարող է ծառայել որպես վեթինգի մեծ ֆիլտր:

Մանրամասները՝ տեսանյութում: