19.11.2024 | 15:34
Իրավաբանության «կորիֆեյ» Սուրեն Գրիգորյան, Ձեր սիրուն դեմքի տակ «սպրուտ» է թաքնված. Մանուկյան․ ՏԵՍԱՆՅՈՒԹ
Իսրայելի բանակը հաստատել Է հարվածը Գազայի հատվածում ՀԱՄԱՍ-ի ռազմակայանին
Քաղաքականություն
26.07.2021 | 12:05
Իսրայելցի մարտիկները երկուշաբթի գիշերը հարվածել են Գազայի հատվածում գտնվող պաղեստինյան արմատական «Համաս» շարժման ռազմաբազային ՝ ի պատասխան հրկիզման նպատակով դեպի հրեական պետության դյուրավառ նյութերով և պայթուցիկ նյութերով օդապարուկների արձակմանը: Այս մասին երկուշաբթի օրը հայտնել են բանակի մամուլի ծառայությունից. տեղեկացնում Է ՏԱՍՍ-ը:
Զինվորականները նշել են, որ ռազմակայանը գտնվում Էր Գազայի հատվածում քաղաքացիական օբյեկտների մոտ, ներառյալ դպրոց:
«Իսրայելի պաշտպանության բանակը կշարունակի վճռականորեն դիմակայել ահաբեկչության փորձերին Գազայի հատվածի կողմից»,- հավելել են մամուլի ծառայությունում:
Ավելի վաղ պաղեստինյան Al-Aqsa ռադիոկայանը հաղորդել Է, որ հուլիսի լույս 26-ի գիշերը Գազայի հատվածում հարձակումների են ենթարկվել այն խմբավորումների դիրքերը, որոնք կապված են այսպես կոչված պաղեստինյան դիմադրության ջոկատների հետ Խան Յունիս և Գազա քաղաքների շրջանում: Զոհերի ու ավերածությունների մասին չի հաղորդվում:
Ռադիոկայանի տեղեկատվությամբ՝ պաղեստինյան խմբավորումները պատասխան կրակ են բացել հրեական պետության օդուժի ուղղությամբ: Մայիսի 21-ին ուժի մեջ Է մտել հրադադարի ռեժիմն Իսրայելի եւ Գազայի հատվածում պաղեստինյան խմբավորումների միջեւ, որոնք մինչ այդ 11 օր հրթիռահարվածներ են փոխանակել: Դիմակայության զոհ Է դարձել ափամերձ միջատարածքի 257 բնակիչ, շուրջ 2 հազարը վիրավորվել Է: Իսրայելական կողմից զոհվել Է 13 մարդ:
