24.08.2026 | 17:12
Իտալական Suardi-ն դիմել է միջազգային արբիտրաժ՝ ընդդեմ Հայաստանի Հանրապետության
Վաղարշակ Հարությունյանը հրաժարականի դիմում է ներկայացրել
Քաղաքականություն
20.07.2021 | 16:26
ՀՀ պաշտպանության նախարարի պաշտոնակատար Վաղարշակ Հարությունյանը հրաժարականի դիմում է ներկայացրել. Factor.am-ին հայտնեցին ՊՆ-ից։ Թե որն է Հարությունյանի հրաժարականի պատճառը՝ ՊՆ-ից այս մասին մեկնաբանություն չհնչեց։
Հիշեցնենք, որ Վաղարշակ Հարությունյանը Պաշտպանության նախարար էր նշանակվել 2020 թվականի նոյեմբերի 20-ին, երբ 44-օրյա պատերազմից հետո պաշտոնանկ արվեց Դավիթ Տոնոյանը։ Հարությունյանը գերատեսչության նախարար է եղել նաև 1999-2000 թվականներին։ 2002 թվականի հուլիսի 22-ին երկրորդ նախագահ Ռոբերտ Քոչարյանի հրամանագրով աստիճանազրկվել էր։ 2019 թվականի օգոստոսի 24-ին, սակայն, ՀՀ նախագահ Արմեն Սարգսյանի հրամանով Վաղարշակ Հարությունյանին զինվորական կոչումից զրկելու՝ ՀՀ նախագահի 2002 թվականի հուլիսի 22-ի հրամանագիրը ճանաչվել էր ուժը կորցրած։ Վաղարշակ Հարությունյանը գեներալ-լեյտենանտ է։
Արփի Հակոբյան
