17.12.2025 | 15:14
Անկարան ու Բաքուն ռազմական համագործակցության հարցեր են քննարկել
Իրանում վերջին 50 տարվա ընթացքում ամենաուժեղ երաշտն է գրանցվել. հարյուրավոր քաղաքներում ջրի սուր պակաս կա
Քաղաքականություն
19.07.2021 | 22:45
Իրանի հարավ-արևելքում վերջին 50 տարվա ընթացքում ամենաուժեղ երաշտն է գրանցվել. հարյուրավոր քաղաքներում ջրի պակաս կա, գրում է korrespondent-ը։
«Երեկ Խուզեստան նահանգի Շադեղան քաղաքում ջրի պակասուրդի պատճառով բողոքի ցույցերի ժամանակ ամբոխի մեջ թաքնվածները կրակ են բացել անվտանգության ուժերի ուղղությամբ։ Արդյունքում զոհվել է 30-ամյա տղամարդ»,- ասել է Խուզեստանի փոխնահանգապետ Ամիդ Սաբրի Բուրը։
Նրա խոսքով՝ Իրանի այս շրջանում ջրի պակասի պատճառը վերջին կես դարի ամենավատ երաշտն է: Այս պահին ջրի ճգնաժամի առջև է կանգնած Իրանի 304 քաղաք, որոնցից 101-ը գտնվում է կարմիր գոտում․ այս քաղաքներում ջրի սուր պակաս կա:
Միաժամանակ, երկրում վատթարանում է կորոնավիրուսի հետ կապված իրավիճակը: Իրանի հեռացող նախագահ Հասան Ռոհանին հայտարարել էր, որ երկիրը կարող է բախվել համաճարակի հինգերորդ ալիքի հետ։
Տաթև Ֆռանգյան
