20.05.2026 | 14:31
Հայ աշակերտը մրցանակ է ստացել ԱՄՆ-ում անցկացվող Regeneron ISEF 2026 միջազգային գիտական մրցույթում
7 զոհ, տասնյակ անհետ կորածներ, փլուզված տներ․ Գերմանիայում տեղատարափ անձրևներ են
Հասարակություն
15.07.2021 | 14:40
Գերմանիայում տեղատարափ անձրևների հետևանքով առնվազն 7 մարդ է մահացել, ևս 50-ը անհետ կորել է, տներ են քանդվել, մեքենաներ քշվել, գրում է Daily Mail-ը:
Չորս մարդ զոհվել է Դորտմունդից հարավ գտնվող Ահրվեյլեր շրջանում, իսկ չորեքշաբթի գիշերվանից մինչև հինգշաբթի առավոտյան տեղացած հորդառատ անձրևներից հետո ոստիկանությունը հայտնել է, որ Շուլդ գյուղում վեց տուն է փլուզվել, արդյունքում անհետ կորել է 50 մարդ։
Բացի այդ, չորեքշաբթի Ալտենա քաղաքում մեկ հրշեջ է խեղդվել փրկարարական օպերացիայի ժամանակ, իսկ մյուսը՝ ցած է ընկել ու մահացել Վերդոհլ-Էլվերլինգսեն էլեկտրակայանում փրկարարական աշխատանքների ընթացքում: 82-ամյա տղամարդ է մահացել նաև Վուփերթալում, որն ամենից շատն է տուժել հորդառատ անձրևներից։
Տեղատարափ անձրևներից միակ տուժած երկիրը Գերմանիան չի․ արևելյան Բելգիայում առնվազն մեկ մարդ է զոհվել, իսկ Նիդերլանդներում տարհանվել է խնամքի տունը։ Զոհեր, բարեբախտաբար, չկան։
Տաթև Ֆռանգյան
