07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
ՍԴ նիստն ավարտվեց. վաղը կողմերը հանդես կգան եզրափակիչ ելույթներով
Քաղաքականություն
13.07.2021 | 20:39
Սահմանադրական դատարանում քիչ առաջ ավարտվեց արտահերթ խորհրդարանական ընտրությունների արդյունքների վիճարկման հարցով հերթական նիստը։ «Հայաստանի Հանրապետության Ազգային ժողովի 2021 թվականի հունիսի 20-ի արտահերթ ընտրությունների արդյունքներն ամփոփելու մասին» թիվ 184-Ա որոշման հետ կապված վեճի վերաբերյալ» գործի բանավոր ընթացակարգով դատաքննությունը կշարունակվի վաղը՝ հուլիսի 14-ին, ժամը 11:00-ին։ Այս մասին Factor TV-ի հետ զրույցում հայտնեց ՍԴ խոսնակ Եվա Թովմասյանը։
Նշենք, որ վաղը կողմերը հանդես կգան եզրափակիչ ելույթներով, որոնց համար սահմանվել է առավելագույնը 30 րոպե ժամանակ։
Այսօր վերոնշյալ գործով դատաքննության 5-րդ օրն էր։ Արտահերթ ընտրությունների արդյունքների վիճարկման գործով վերջնական որոշումը բարձր դատարանը պետք է հրապարակի մինչև հուլիսի 17-ը, քանի որ այդ օրն օրենքով սահմանված վերջնաժամկետն է։
Հիշեցնենք նաև, որ ՍԴ-ում ընտրությունների արդյունքները վիճարկում է 4 ուժ՝ «Հայաստան» և «Պատիվ ունեմ» դաշինքները, «Հայոց Հայրենիք» և «Զարթոնք» կուսակցությունները։
Մերի Մարտիրոսյան
