31.07.2026 | 13:29
Նարեկ Կարապետյանի առանձնատան խուզարկությունն ավարտվել է, ոչինչ չեն տարել. Դավիթ Ղազինյան․ ՏԵՍԱՆՅՈՒԹ
Լիտվան մտադիր է 42 մլն եվրո հատկացնել Բելառուսի հետ սահմանն ամրապնդելու համար
Քաղաքականություն
10.07.2021 | 19:07
Լիտվան անօրինական միգրանտների ներհոսքի ֆոնին մտադիր է 42 մլն եվրո հատկացնել Բելառուսի հետ սահմանն ամրապնդելու համար: Այդ մասին հայտնել է ՌԻԱ «Նովոստի»-ն ՝ վկայակոչելով ԳԴՀ-ում Լիտվայի դեսպան Ռամունաս Միսյուլիսին:
Պարբերականը հայտնում է, որ Լիտվան, դեսպանի խոսքով, Բելառուսի կողմից «հիբրիդային ագրեսիա» է տեսնում, ինչի կապակցությամբ ակնկալում է Եվրամիության աջակցությունը և մտադիր է 42 մլն եվրո հատկացնել Բելառուսի հետ սահմանի ամրապնդման համար, այդ թվում ՝ դիտարկման համակարգին:
Ընդ որում, անօրինական միգրացիան «ընդհանուր խնդիր» է ներկայացնում ամբողջ Եվրամիության համար։
«Ապաստան փնտրողները ցանկանում են հայտնվել ոչ թե Լիտվայում, այլ Գերմանիայում կամ Շվեդիայու»,- Միսյուլիսի խոսքը մեջբերում է RND-ը։
Աղբյուրի փոխանցմամբ Frontex-ի սահմանային և առափնյա պահպանության Եվրոպական գործակալությունն աջակցում է Լիտվային. երկիր պլանավորվում է գերատեսչության 30 սահմանապահներ և մի քանի ավտոմեքենա ուղարկել, հարևան Էստոնիան ևս 10 աշխատակից կուղարկի:
Լիտվան վերջին ժամանակներս հայտարարում է Բելառուսի հետ սահմանին ձերբակալված անօրինական միգրանտների թվի աճի մասին: Երկրի իշխանությունները հուլիսի 2-ին էքստրեմալ իրավիճակ են հայտարարել անօրինական միգրանտների ներհոսքի կապակցությամբ: Իր հերթին, Բելառուսի նախագահ Ալեքսանդր Լուկաշենկոն հայտարարել է, որ հանրապետությունն այլևս չի զսպի անօրինական միգրանտների հոսքը ԵՄ երկրներ: Լիտվայի վարչապետ Ինգրիդա Շիմոնիտեն հայտարարել է, որ հանրապետությունը որոշել է Բելառուսից մեկուսանալ փշալարերով ցանկապատով:
