19.11.2024 | 14:32
Շարունակելու եմ պայքարել հայ գերիների ազատ արձակման, ՀՀ տարածքային ինքնաիշխանության համար․ Ֆրենկ Փալոն
Առաջարկում ենք սահմանների դեմարկացիայի հարցը կապել Արցախի կարգավիճակի հարցի հետ․ Ստեփան Գրիգորյան. ՏԵՍԱՆՅՈՒԹ
Քաղաքականություն
06.07.2021 | 14:33
Ժամանակը ցույց տվեց, որ մեր կողմից նախկինում ընտրված անվտանգային համակարգը չի աշխատում. ՀԱՊԿ-ի հայտարարություններից նույնպես երևում է, որ մեր անվտանգությունը չի ապահովվում: Այս մասին «Քաղաքացիական հասարակությունը՝ Հայաստանի առաջնահերթ մարտահրավերների մասին. ի՞նչ լուծումներ են առաջարկվում» թեմայով մամուլի ասուլիսի ժամանակ նշեց Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը:
Նշենք, որ արտահերթ խորհրդարանական ընտրությունների արդյունքներից հետո քաղհասարակությունը դիմել է ընտրողների մեծամասնության քվեն ստացած իշխանություններին. երկրի առջև ծառացած մի շարք խնդիրներից ընդգծել են առաջնայինները և առաջարկել շուտափույթ լուծել դրանք՝ հետագայում նոր խնդիրներից խուսափելու համար։
Ստեփան Գրիգորյանի խոսքով՝ ուղերձում կան կետեր, որոնք կապված են անվտանգային հարցերի հետ և Ղարաբաղի հարցի հետ: «Մենք կառավարությանն առաջարկում ենք դիմել միջազգային այլ կառույցների, որոնց գործառույթների մեջ ներառված է լուծել անվտանգության, ՀՀ սահմանային, տարածքային ամբողջականության պաշտպանության հարցերը. «Առաջարկում ենք դիմել ՄԱԿ-ի Անվտանգության խորհրդին և ԵԱՀԿ-ին, որ մեր տարածաշրջան ուղարկեն մշտադիտարկման միջազգային առաքելություն, որ ուսումնասիրեն իրավիճակը հայ ադրբեջանական սահմաններում և եզրակացություններ անեն»:
Ստեփան Գրիգորյանը նաև հավելեց, որ մեծ ճնշում կա Հայաստանի վրա՝ Ադրբեջանի հետ սահմաններին իրականացնել դելիմիտացիա և դեմարկացիա. «Մենք առաջարկում ենք սահմանների դեմարկացիայի հարցը կապել Արցախի կարգավիճակի հարցի հետ և սահմանամերձ շրջաններում ապրող մարդկանց իրավունքների հետ»:
Մանրամասները՝ տեսանյութում:
